Remøy M-99-HØ, einn sá alflottasti

IMO: 9660451. Remøy M-99-HØ. Ljósmynd Eiríkur Sigurðsson 2020.

„Remøy er einn sá alflottasti“ sagði Eiríkur Sigurðsson skipstjóri á Reval Viking þegar hann sendi þessar myndir sem hann tók fyrir stundu nyrst í norsku lögsögunni.

Frystitogarinn Remøy var smíðaður árið 2013 og hét upphaflega Hopen. Árið 2016 fær hann nafnið Remøy og er hann með heimahöfn í Fosnavaag.

Togarinn er 74 metrar að lengd, 16 metra breiður og mælist 3,309 brúttótonn að stærð. Öll stálvinna var unnin í Vard Tulcea SA í Rúmeníu en lokið við smíðina í Noregi Vard Langsten í Tomrefjord.

IMO: 9660451. Remøy M-99-HØ. Ljósmynd Eiríkur Sigurðsson 2020.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Warnowborg á Húsavík

IMO 9505572. Warnowborg. Ljósmynd Hafþór Hreiðarsson 2020.

Flutningaskipið Warnowborg kom í morgun til Húsavíkur og lagðist að Bökugarðinum þar sem nú er verið að skipa upp hraéfnisfarmi fyrir PCC á Bakka.

Skipið var smíðað árið 2011 og er 107 metra langt. Breidd þess er 18 metrar og það mælist 6,668 brúttótonn að stærð.

Warrowborg siglir undir fána Hollands með heimahöfn í Delfzijl.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Margrét GK 33

2952. Margrét GK 33. Ljósmynd Jón Steinar 2020.

Línubáturinn Margrét GK 33 sét á þessum myndum Jóns Steinars koma til hafnar í Grindavík í vikunni.

Það er Nesfiskur ehf. sem gerir bátinn út en hann var smíðaður hjá Víkingbátum á síðasta ári.

Margrét GK 33 er tæplega 22 BT að stærð en lengd hennar er 11,99 metrar.

Heimahöfn Suðurnesjabær.

2952. Margrét GK 33. Ljósmynd Jón Steinar 2020.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Loran við bryggju í Tromsø

IMO 9191357. Loran M-12-G. Ljósmynd Eiríkur Sigurðsson 2020.

Eiríkur Sigurðsson tók þessa mynd á dögunum af norska línu- og netaskipinu Loran M-12-G frá Álasundi við bryggju í Tromsø

Loran er 51 metrar að lengd, 11 metra breiður og mælist 1,292 brúttótonn að stærð.

Skipið var smíðað í Solstrand AS árið 1999.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Tryllir á grásleppuveiðum

6998. Tryllir GK 600 ex Tryllir RE 600. Ljósmynd Jón Steinar 2020.

Jón Steinar sendi drónann á loft í morgun til að mynda grásleppubátinn Trylli GK 600 sem var að veiðum rétt vestan Grindavíkur.

Það eru feðgarnir Hafsteinn Sæmundsson og Heimir Örn Hafsteinsson sem róa Trylli en Hafsteinn, sem er 84 ára, er eigandi bátsins.

Tryllir GK 600 hét áður Tryllir RE 600 og var smíðaður í Bátasmiðjunni Mótun hf. árið 1988.

Jón Steinar skrifar eftirfarandi á síðu sína Báta & bryggjurölt í dag:

Aflinn hjá þeim var um 3 tonn í 11 trossur sem þeir eru með hér á Hásteinunum og vestur með Staðarberginum.

Alls eru þeir með 22 trossur og draga sitthvorn helminginn annanhvern dag, á morgun draga þeir aðrar 11 trossur sem þeir eru með inni á Hraunsvíkinni.

Hafsteinn sem verður 84 ára á árinu lét nú hafa eftir sér í viðtali fyrir fimm árum síðan að hann ætlaði að hætta fyrir áttrætt en kall er enn að og aldrei sprækari. Heimir Örn sagði glottandi kallinn búinn að vera á síðustu grásleppuvertíðinni sinni síðastliðin 10 ár.

Það hefur verið mjög gott fiskirí hjá þeim feðgum og aflinn kominn vel yfir 20 tonn af grásleppu það sem af er úthaldinu.

Þeir koma til með að hætta á grásleppunni núna í byrjun maí þar sem að Heimir hefur það að aðalstarfi að vera skipsstjóri á hafrannsóknarskipinu Árna Friðrikssyni RE 200 er á leið með hann í leiðangur þann 4. maí.

Þannig er það nú.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Volstad M-11-A

IMO: 9652818. Volstad M-11-A. Ljósmynd Eiríkur Sigurðsson 2020.

Frystitogarinn Volstad M-11-A frá Álasundi var á leið til hafnar í Tromsø sl. fimmtudag og þá tók Eiríkur Sigurðsson þessar myndir.

Volstad, sem er í eigu samnefnds fyrirtækis, var smíðað í í Tersanskipasmíðastöðinni í Tyrklandi og afhent árið 2013.

Togarinn er 74,70 metrar að lengd, 15,40 metra breiður og mælist 3,430 brúttótonn að stærð.

IMO: 9652818. Volstad M-11-A. Ljósmynd Eiríkur Sigurðsson 2020.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Nanna Ósk ÞH 333

2379. Nanna Ósk ÞH 333. Ljósmynd Hafþór Hreiðarsson 2020.

Loksins loksin getur maður nú sagt en þennan bát hef ég aldrei náð að mynda áður en hann hefur verið gerður út frá Raufarhöfn í rúm 20 ár.

Nanna Ósk ÞH 333 heitir hann og er af gerðinni Cleopatra 33. Báturinn er á grásleppuveiðum þessa dagana.

Nanna Ósk ÞH 333 var smíðuð árið 1999 hjá Trefjum í Hafnarfirðir fyrir Stekkjarvík ehf. á Raufar-höfn. Að því fyrirtæki standa bræðurnir Ragnar Axel og Hólmgrímur Jóhannssynir sem einnig gera út Nönnu Ósk II ÞH 133.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Norðingur KG 21 landaði kolmunna á Fáskrúðsfirði

9281633. Norðingur KG 21 ex Ruth. Ljósmynd Óðinn Magnason 2020.

Færeyska skipið Norðingur kom inn til löndunar á Fáskrúðsfirði í gær, sumardaginn fyrsta með um 1781 tonn af kolmunna.

Nordingur, sem hefur heimahöfn í Klakksvík, var smíðaður hjá Fitjar Mek. Verkstad í Noregi árið 2003.

Skipið er 68,8 metrar að lengd, 13,8 metra breitt og mælist 2,017 brúttótonn að stærð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Björn Jónsson ÞH 345

7461. Björn Jónsson ÞH 345 ex Arnar SH 157. Ljósmynd Hafþór Hreiðarsson 2020.

Grásleppubáturinn Björn Jónsson ÞH 345 kemur hér að landi á Raufarhöfn í vikunni en það er Útgerðarfélagið Röðull ehf. sem gerir hann út.

Upphaflega hét báturinn Jói á Nesi II SH 259 og var smíðaður hjá Bátasmiðju Guðmundar fyrir Pétur F. Karlsson í Ólafsvík. Það var árið 1998 og árið 2006 var báturinn lengdur.

Í ársbyrjun 2012 er báturinn kominn með nafnið Arnar II SH 557 eftir að hafa verið seldur í Stykkishólm. Eigandi Útgerð Arnars ehf.

Það var svo í árslok 2019 sem Útgerðarfélagið Röðull ehf., sem Einar Sigurðsson stendur að, keypti bátinn og nefndi Björn Jónsson ÞH 345. Báturinn hafði árið á undan eða svo borið nafnið Arnar SH 157.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

J Bergvoll T-1-H

IMO 9214501. J Bergvoll T-1-H. Ljósmynd Eiríkur Sigurðsson 2020.

Eiríkur Sigurðsson skipstjóri á Reval Viking tók þessa mynd af norska frystitogaranum J Bergvoll í Tromsø í dag.

J Bergvoll var smíðaður árið 2000 í Solstrand AS í Tomrefjord og afhentur þaðan í júlí það. Hann hafði smíðanúmer 69.

Togarinn var smíðaður fyrir Nergård Havfiske AS og er með heimahöfn í Harstad.

J Bergvoll er 57,30 metrar að lengd, 12,60 metra breiður og mælist 1499 brúttótonn að stærð.

IMO 9214501. J Bergvoll T-1-H. Ljósmynd Eiríkur Sigurðsson 2020.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution