Óli á Stað GK 99 í innsiglingunni til Grindavíkur

2842. Óli á Stað GK 99. Ljósmynd Jón Steinar 2019.

Þessar glæsilegu myndir tók Jón Steinar í gærkveldi þegar línubáturinn Óli á Stað GK 99 kom að landi í Grindavík.

Það var þungur sjór með sunnanbáru og þegar að vindur fór að blása að norðan á móti bárunni þá ýfist sjórinn og brimar, þó svo að hann sé alveg lúshægur.

2842. Óli á Stað GK 99. Ljósmynd Jón Steinar 2019.

Óli á Stað GK 99 var smíðaður á Akureyri, í Seiglu, og afhentur vorið 2017. Hann er 14,8 metra langur og mælist 29.95 BT að stærð.

Það er Stakkavík ehf. í Grindavík sem á bátinn og gerir út.

2842. Óli á Stað GK 99. Ljósmynd Jón Steinar 2019.
2842. Óli á Stað GK 99. Ljósmynd Jón Steinar 2019.
2842. Óli á Stað GK 99. Ljósmynd Jón Steinar 2019.
2842. Óli á Stað GK 99. Ljósmynd Jón Steinar 2019.
2842. Óli á Stað GK 99. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Trausti ÍS 300

1170. Trausti ÍS 300. Ljósmynd Sigurður Jóhannesson.

Á þessum myndum Sigurðar Jóhannessonar er Tausti ÍS 300 en myndirnar voru teknar árið 1972.

Trausti ÍS 300 frá Suðureyri við Súgandafjörð var smíðaður í Stálvík árið 1971. Hann hafði smíðanúmer 16 hjá Stálvík og var smíðaður eftir teikningu Ágústs G. Sigurðssonar

Í Morgunblaðinu þann 20. júní 1971 sagði m.a svo frá í frétt frá fréttaritara blaðsins í Súgandafirði:

Sautjánda júni í kom hingað nýtt fiskiskip, sem smíðað var hjá Stálvík h.f. í Garðahreppi. Skipið er 123 lestir samkvæmt nýja málinu, smíðað úr stáli, sérstaklega teiknað til togveiða auk línu- og netaveiða. 

Var skipinu gefið nafnið Trausti eftir bátum Ólafs Gissurarsonar frá Ósi í Bolungarvík. Skipið mun stunda grálúðuveiðar með línu og fer í fyrsta túrinn á morgun. 

Eigandi m.b.Trausta ÍS 300 er Fiskiðjan Freyja h.f., skipstjóri Ólafur Ólafsson og fyrsti vélstjóri Jens Ásmundsson.

1170. Trausti ÍS 300. Ljósmynd Sigurður Jóhannesson.

Trausti ÍS 300 var seldur til Keflavíkur árið 1973 þar sem hann fékk nafnið Valþór KE 125. Útgerð Trausta keypti stærri bát frá Noregi sem kom í nóvember 1973 og hét Sverdrupson ÍS 300

Hér má lesa sögu bátsins sem var að lokum rifinn í Krossanesi við Eyjafjörð árið 2007

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Vésteinn GK 88 kemur að

2908. Vésteinn GK 88. Ljósmynd Jón Steinar 2019.

Jón Steinar tók þessar myndir í gærkveldi þegar línubáturinn Vésteinn GK 88, sem Einhamar Seafood ehf, gerir út, kom að landi í Grindavík.

2908. Vésteinn GK 88. Ljósmynd Jón Steinar 2019.

„Það var aðeins farið að anda að norðan á móti sunnanbárunni í gærkveldi þegar að Vésteinn var að koma að landi og þegar að aðstæðum háttar þannig ýfist sjórinn upp þannig að það verður öllu tilkomumeira að sjá bátana koma inn“ sagði ljósmyndarinn.

2908. Vésteinn GK 88. Ljósmynd Jón Steinar 2019.

Vésteinn GK 88 bættist í flota Einhamars í Grindavík snemma árs 2018 en fyrir gerði fyrirtækið út Auði Vésteins SU 88 og Gísla Súrsson GK 8

Bátarnir eru allir smíðaðir hjá Trefjum í Hafnarfirði af gerðinni Cleopatra 50. Búnir línubeitningarvélum.

Þeir eru tæplega 30 brúttótonn og tæpir 15 metrar á lengd. 

2908. Vésteinn GK 88. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Kristín GK 457 lét úr höfn í Vestmannaeyjum í kvöld

972. Kristín GK 457 ex Kristín ÞH 157. Ljósmynd Hólmgeir Austfjörð 2019.

Línubáturinn Kristín GK 457 lét úr höfn í Vestmannaeyjum og tók Hólmgeir Austfjörð þessar myndir við það tækifæri.

Kristín ÞH 157 var smíðuð í Boizenburg í Austur-Þýskalandi 1965, hét upphaflega Þorsteinn RE 303. 

972. Kristín GK 457 ex Kristín ÞH 157. Ljósmynd Hólmgeir Austfjörð 2019.

Síðar bar báturinn nöfnin Þorsteinn RE, Hafrún ÍS, Hafrún BA, Pétur Ingi KE, Stjörnutindur SU,  Lýtingur NS, Vigdís BA, Haraldur EA, Ásgeir Guðmundsson SF og Atlanúpur ÞH þangað til hann fékk nafnið Garðey SF og loks Kristín GK eftir að Vísir eignaðist hann. 

2008 varð Kristín ÞH 157 með heimahöfn á Húsavík, eigandi Vísir hf. Árið 2014 fékk báturinn aftur einkennisstafina GK og númerið 457. Eigandi Vísir hf. og heimahöfnin Grindavík.

972. Kristín GK 457 ex Kristín ÞH 157. Ljósmynd Hólmgeir Austfjörð 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Kristján Guðmundsson ÍS 77

1125. Kristján Guðmundsson ÍS 77 ex Palomar T-22-SA. Ljósmynd Sigurður Jóhannesson.

Kristján Guðmundsson ÍS 77 kemur hér að landi á Suðureyri við Súgandafjörð en báturinn var keyptur þangað frá Noregi í lok árs 1970.

Það var Útgerðarfélagið Óðinn hf. sem keypti bátinn sem var smíðaður hjá Einar S. Nielsen Mek. Verksted A/S í Harstad og afhentur á árinu 1968. Bar hann upphaflega nafnið Palomar T-22-SA.

Báturinn, sem var 170 brl. að stærð, átti síðar eftir að heita Vöttur SU 3, Eldeyjar-Hjalti GK 42, Bergvík KE 65, Melavík SF 34 og að lokum Gerður ÞH 110.

Báturinn var yfirbyggður og skipt um brú, mig minnir á Seyðisfirði en ef það er vitleysa þá leiðréttir mig einhver með það.

Báturinn stóð lengi undir vegg við Skipasmíðastöð Njarðvíkur en fór í pottinn til Belgíu árið 2013.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Sævík GK 757 að draga línuna

2714. Sævík GK 757 ex Óli Gísla GK 112. Ljósmynd Jón Steinar 2019.

Grindvíski línubáturinn Sævík GK 757 er hér að draga línuna á dögunum skammt undan sinni heimahöfn.

Það er Vísir hf. sem gerir bátinn út en hann hét áður Óli Gísla GK 112 frá Sandgerði. Báturinn var smíðaður fyrir Sjávarmál ehf. í Sandgerði í Seiglu árið 2006 en Vísir hf. keypti Sjávarmál ehf. árið 2018.

2714. Sævík GK 757 ex Óli Gísla GK 112. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Qaqqatsiaq GR 6-403 kom til Hafnarfjarðar

Qaqqatsiaq GR 6-403 ex Steffen C. Ljósmynd Óskar Franz 2019.

Grænlenski frystitogarinn Qaqqatsiaq GR 6-403 kom til hafnar í Hafnarfirði undir kvöld í gær og tók Óskar Franz þessar myndir af honum.

Qaqqatsiaq GR 6-403 var smíðaður hjá Ørskov Christensens Staalskibsværft A/S í Frederikshavn, Danmörku, og afhentur á árinu 2001. Stálvinna smíðinnar fór fram hjá Santierul Naval Braila SA í Braila í Rúmeníu.

Skipið fékk nafnið Steffen C. GR 6-403. sem það ber fram til ársins 2005 en þá fékk það nafnið sem það ber í dag, Qaqqatsiaq GR 6-403 með heimahöfn í Nuuk.

Qaqqatsiaq GR 6-403 ex Steffen C. Ljósmynd Óskar Franz 2019.

Qaqqatsiaq GR 6-403 er 70 metra langur, 15 metra breiður og mælist 2,772 GT að stærð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Ólafur Friðbertsson ÍS 34

256. Ólafur Friðbertsson ÍS 34. Ljósmynd Sigurður Jóhannesson.

Ólafur Friðbertsson ÍS 34 siglir hér inn Súgandafjörðinn til hafnar á Suðureyri.

Ólafur Friðbertsson ÍS 34 var smíðaður Flekkefjord í Noregi 1964 fyrir Súgfirðinga og sagði svo frá komu hans í Vesturlandi 28. apríl 1964:

Á sumardaginn fyrsta kom nýr vélbátur til Súgandafjarðar, Ólafur Friðbertsson ÍS 34. Þetta er 193 lesta stálbátur, smíðaður í Flekkefjord í Noregi, og er þetta sjötti báturinn, sem skipsmíðastöðin smíðar fyrir Íslendinga.

Báturinn er með 495 ha. Lister-vél og ljósavél af sömu gerð. Ganghraði í reynsluför var 10,5 sjm. Báturinn er búinn fullkomnustu siglinga- og fiskileitartækjum.

Eigandi bátsins er Von hf. á Suðureyri, en að því standa Ólafur Friðbertsson skipsstjóri á Suðureyri og synir hans. Skipstjóri á bátnum er Filip Höskuldsson, 1. stýrimaður Einar Ólafsson og 1. vélstjóri Jón H. Jónsson.

Báturinn var 4 1/2 sólarhring frá Flekkefjord með viðkomu í Færeyjum, og tafðist hann á heimleiðinni vegna veðurs. Reyndist báturinn ágætt sjóskip.

Ólafur Friðbertsson kom til Ísafjarðar á föstudag og fór mikill mannfjöldi um borð að skoða þetta nýja og glæsilega fiskiskip.

Svo mörg voru þau orð en Ólafur Friðbertsson ÍS 34 var gerður út frá Súgandafirði til ársins 1982 er hann var seldur til Keflavíkur.

Þar fékk hann nafnið Albert Ólafsson KE 39 en í frétt Víkurfrétta 26. ágúst 1982 um breytingar á bátaflota Suðurnesjamanna sagi m.a:

„Þá hafa þeir feðgar Óskar Ingibersson og Karl Óskarsson fengið nýjan Albert Ólafsson KE 39, 180 tonna yfirbyggt fiskiskip, sem áður hét Ólafur Friðbertsson frá Suðureyri.

Skip þetta var yfirbyggt af Vélsmiðjunni Herði hf. við bryggju í Sandgerði fyrir nokkrum árum. Eldri Albert Ólafsson hefur verið seldur til Vestmannaeyja þar sem hann ber nú nafnið Skúli fógeti. Hann er 47 tonna eikarbátur“.

Albert Ólafsson KE 39 fór í miklar breytingar árið 1992 þar sem hann var m.a lengdur um fimm metra, ný brú, skorsteinshús, frammastur og bakki. Þá var sett í hann veltitankur sem var nýung á þeim tíma.

Albert Ólafsson fékk síðar nafnið Kristrún RE 177 og að lokum Kristrún II RE 477 og var í eigu Fiskkaupa í Reykjavík.

Báturinn fór í pottinn árið 2014.

256. Ólafur Friðbertsson ÍS 34. Ljósmynd Sigurður Jóhannesson 1972.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Mark ROS 777 fyrir utan Grindavík í gær

Mark ROS 777. Ljósmynd Elvar Jósefsson 2019.

Þýski togarinn Mark kom upp undir Grindavík í gær, hverra erinda veit ég ekki en Elvar Jósefsson tók þessar myndir.

Skipið var smíðað í Tersan skipasmíðastöðinni í Tyrklandi og afhent eigandanum, Parlevliet & Van der Plas group í júní 2015. Heimahöfn þess er í Rostock

Mark ROS 777. Ljósmynd Elvar Jósefsson 2019.

Togarinn er 84 metra langur og 16 metra breiður. íbúðir eru fyrir 34 manna áhöfn auk tveggja sjúkraklefa. Aðalvél er 4.000 kW og er hún af gerðinni MAK. 

Mark ROS 777. Ljósmynd Elvar Jósefsson 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution


Heiðrún ÍS 4 við síldarlöndun á Siglufirði

87. Heiðrún ÍS 4 ex Hafborg MB 76. Ljósmynd Hannes Baldvinsson Siglufirði.

Heiðrún ÍS 4 er hér á mynd Hannesar Baldvinssonar að landa síld á Siglufirði.

Báturinn hét upphaflega Hafborg MB 76, hann var smíðaður í Skipasmíðastöð KEA og sjósettur 6. maí árið 1944.

Hafborg MB 76 var skráð 92 brl. að stærð búið 240 hestafla Lister aðalvél. Eigandi hennar var Hf. Grímur í Borgarnesi frá 30. maí 1944. Hafborg var endurmæld 1947 og mældist þá 101 brl. að stærð. Hún var seld í desember 1952 Rún hf. í Bolungarvík sem gaf henni nafnið Heiðrún ÍS 4. 

1956 var Listernum skipt út fyrir nýja 360 hestafla vél sömu gerðar.  Í júní 1968 fær báturinn nafnið vestri BA 3 þegar það er selt Jóni Magnússyni á Patreksfirði og Hjalta Gíslasyni í Reykjavík. Þeir selja síðan bátinn snemma árs 1972 og eru kaupendurnir þeir Árni Sigurðsson og Reynir Ölversson í Keflavík. Þeir nefndu bátinn, sem talinn var ónýtur og tekinn af skrá 18. desember 1973, Sólfell GK 62.
                                                           Heimild Íslensk skip.

Með því að smella á myndina er hægt að skoða hana í hærri upplausn.

By clicking on the images you can view them in higher resolution