Kleifabergið verður fljótandi hótel

1360. Kleifaberg RE 70 ex Kleifaberg ÓF 2. Ljósmynd Magnús Jónsson 2021.

Kleifabergið verður innan tíðar fljótandi hótel við norðausturströnd Grænlands fyrir hóp á vegum ástralsks námuvinnslufyrirtækis sem vinnur að rannsóknum þar í landi.

Frá þessu segir í Fiskifréttum en þar kemur m.a fram:

Kleifabergið, sem var smíðað í Póllandi 1974, hét áður Engey RE og er eitt aflahæsta skip í sögu togaraútgerðar á Íslandi. Útgerðarfélagið Brim keypti Kleifaberg frá Ólafsfirði árið 2007 en skipinu  var lagt eftir langan og gifturíkan feril á Íslandsmiðum á síðasta ári.

Síðustu átta árin sem Brim hf. gerði út Kleifabergið, þ.e.a.s. frá og með 2012 og til og með 2019, nam heildar aflaverðmæti skipsins tæpum 11 milljörðum króna. Skipstjóri Kleifabergsins allt frá árinu 1997 var hinn kunni aflakóngur Víðir Jónsson.

Skipið er nú í eigu Skipaþjónustunnar í Reykjavík. Ægir Örn Valgeirsson rekur fyrirtækið með bróður sínum, Braga.

Lesa meira

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Við bryggju á Húsavík

Við bryggju á Húsavík. Ljósmynd Hafþór Hreiðarsson.

Bryggjumynd frá því um miðjan níunda áratug síðustu aldar tekin á Húsavík. Sæborg ÞH 55 í forgrunni og Skálaberg ÞH 244 utan á henni.

Júlíus Havsteen ÞH 1 fyrir aftan bátana og í bakgrunni Kolbeinsey ÞH 10. Það sést í skutinn á æljóni EA 55 sem var í brúarskiptum á Húsavík þegar myndin var tekin.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Jökull og A

IMO 1012141. A – 2991. Jökull ÞH 299 ex Naneq. Ljósmynd Hafþór Hreiðarsson 2021.

Hér siglir Jökull ÞH 299 meðfram snekkjunni A í gærkveldi en hún liggur á Skjálfandaflóa, rétt utan hafnarinnar á Húsavík.

A er tæp­ir 143 metr­ar að lengd og 25 metra breið og ná möst­ur henn­ar þrjú hátt í 100 metra hæð. Jökull aftur á móti er 44 metrar að lengd og breidd hans 10 metrar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

A á Skjálfanda

IMO 1012141. A. Ljósmynd Hafþór Hreiðarsson 2021.

Þar kom að því, A er komin. Hún hefur legið á Skjálfanda í dag rétt utan hafnarinnar á Húsavík.

Hvað hún stoppar lengi veit ég ekki en maður er búinn að taka nokkrar myndirnar og á eflaust eftir að taka fleiri.

Snekkj­an er tæp­ir 143 metr­ar að lengd og 25 metra breið og ná möst­ur henn­ar þrjú hátt í 100 metra hæð. Hún er í eigu rúss­neska millj­arðamær­ings­ins And­rey Ig­or­evich Melnichen­ko.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Hafborgin

2940. Hafborg EA 152. Ljósmynd Hafþór Hreiðarsson 2021.

Hafborgin siglir hér til hafnar á Húsavík í gær en sólarlagið á Skjálfanda var ægifagurt. Ekkert meira um þessa mynd að segja.

Nema þá helst að Skjálfandi skartar einnig sínu fegursta í kvöld.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Glófaxi VE 300

968. Glófaxi VE 300 ex Arnþór EA 16. Ljósmynd Tryggvi Sigurðsson.

Flott þessi mynd Tryggva Sigurðssonar af Glófaxa VE 300 koma drekkhlaðinn til hafnar í Vestmannaeyjum.

Upphaflega Krossanes SU 320 og var einn 18 báta sem smíðaðir voru í Boizenburg fyrir Íslendinga á árunum 1964-1968.

Nöfnin sem báturinn bar á ferli sínum eru: Krossanes SU 320.Hilmir KE 7, Bjarni Ásmundar ÞH 197, Aftur hét hann Hilmir KE 7. Bergur II VE 144, Bergur VE 44, Arnþór EA 16, Glófaxi VE 300 og að endingu Sleipnir VE 83.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Fossá ÞH 362

2404. Fossá ÞH 362. Ljósmynd Börkur Kjartansson.

Á þessum myndum Barkar Kjartanssonar má sjá kúfiskveiðiskipið Fossá ÞH 362 frá Þórshöfn við veiðar á Skjálfanda.

Fossá ÞH 362 var smíðuð í fyrir Hraðfrystistöðvar Þórshafnar og kom hún til heimahafnar á Þórshöfn í febrúarmánuði árið 2001. Skipið var smíðað í Huangpu-skipasmíðastöðinni í Gung Zhou í Kína.

Í dag heitir skipið Grettir BA 39 og var því breytt í þangskurðarskip í Slippnum á Akureyri. Grettir kom í fyrsta skipti til heimahafnar á Reykhólum í maímánuði 2011.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Björgvin SH 500

7690. Björgvin SH 500 ex Silla BA 67. Ljósmynd Hafþór Hreiðarsson 2021.

Björgvin SH 500 var í höfn á Húsavík í dag en hann kom landleiðina í gær og var sjósettur við Norðurgarðinn.

Veit svo sem ekkert enn á hvaða ferðalagi hann er en það kemur í ljós á næstunni.

Báturinn hét upphaflega Silla BA 67 með heimahöfn á Tálknafirði. Hann var smíðaður í Bátagerðinni Samtak í Hafnarfirði árið 2011 og er af gerðinni Víkingur 999.

Frá árinu 2012 hefur báturinn borið það nafn sem hann ber á myndinni með heimahöfn í Óafsvík.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Herborg HF 67

6429. Herborg HF 67 ex Eva HF 67. Ljósmynd Kristvin Már Þórsson 2021.

Kristvin Már Þórsson tók þessa mynd af strandveiðibátnum Herborgu HF 67 á dögunum en skipstjórinn þar um borð er Húsvíkingurinn Hermundur Svansson. Nú búsettur í Hafnarfirði.

Herborg hét upphaflega Árni Gunnlaugsson ÓF 15 og var smíðaður árið 1982 og hafði smíðanúmer 69 frá Baldri Halldórssyni skipasmið á Hlíðarenda við Akureyri.

Bátnum hefur verið breytt nokkuð sem og heitið mörgum nöfnum í gegnum tíðina en frá árinu 2020 hefur hann borið nafnið Herborg HF 67.

Með því að smella á myndina er hægt að skoða hana í hærri upplausn.

By clicking on the images you can view them in higher resolution