Baldur Árna ÞH 50

1170. Baldur Árna ÞH 50 ex Klettsvík SH 343. Ljósmynd Hafþór Hreiðarsson 2003.

Hér birtast myndir af rækjubátnum Baldri Árna ÞH 50 sem teknar voru sumarið 2003 er báturinn stundaði rækjuveiðar úti fyrir Norðurlandi.

Baldur Árna ÞH 50 var í eigu Aðalstein Ómars Ásgeirssonar á Ísafirði. Báturinn hét upphaflega Trausti ÍS 300 frá Suðureyri við Súgandafjörð og var smíðaður í Stálvík árið 1971. Hann hafði smíðanúmer 16 hjá Stálvík og var smíðaður eftir teikningu Ágústs G. Sigurðssonar

Í Morgunblaðinu þann 20. júní 1971 sagði m.a svo frá í frétt frá fréttaritara blaðsins í Súgandafirði:

Sautjánda júni í kom hingað nýtt fiskiskip, sem smíðað var hjá Stálvík h.f. í Garðahreppi. Skipið er 123 lestir samkvæmt nýja málinu, smíðað úr stáli, sérstaklega teiknað til togveiða auk línu- og netaveiða.

Var skipinu gefið nafnið Trausti eftir bátum Ólafs Gissurarsonar frá Ósi í Bolungarvík. Skipið mun stunda grálúðuveiðar með línu og fer í fyrsta túrinn á morgun.

Eigandi m.b.Trausta ÍS 300 er Fiskiðjan Freyja h.f., skipstjóri Ólafur Ólafsson og fyrsti vélstjóri Jens Ásmundsson.

1973 er Trausti seldur til Keflavíkur, kaupendur er Magnús Þórarinsson, Jónas Þórarinsson og Þórarinn Þórarinsson og nefna þeir bátinn Valþór KE 125. Hann er síðan seldur til Þormóðs Ramma hf. á Siglufirði 1978 þar sem hann fékk nafnið Sævík SI 3. 1979 kaupir Hraðfrystihús Breiðdælinga á Breiðdalsvík bátinn og nefna hann Andey SU 150. 1983 er hann svo enn seldur, að þessu sinni til Stykkishólms, hann heldur nafninu en fær einkennistafina SH og númerið 242.

Báturinn er í Stykkishólmi 1988 þegar Íslensk skip eru gefin út en þaðan eru þessar heimildir. Frá Stykkishólmi er báturinn seldur til Patreksfjarðar og enn heldur hann nafninu og verður Andey BA 123. Eftir það heitir hann Skúmur GK 111, Óseyri GK 1, Bervík SH 343, Klettsvík SH og 2003 fær hann nafnið Baldur Árna ÞH 50.

Baldur Árna er svo seldur Meirihlíð ehf. í Bolungarvík haustið 2003 eftir að Aðalsteinn Ómar festi kaup á Oddgeir ÞH 222 sem fékk nafnið Baldur Árna ÞH 222. Í Bolungarvík fékk báturinn nafnið Páll á Bakka ÍS 505. Hann var rifinn í brotjárn í Krossanesi árið 2007.

1170. Baldur Árna ÞH 50 ex Klettsvík SH 343. Ljósmynd Hafþór Hreiðarsson 2003.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Jörvi ÞH 300

1310. Jöfvi ÞH 300. Ljósmynd Þorgrímur Aðalgeirsson.

Hér er Jörvi ÞH 300 að láta úr höfn á Húsavík í línuróður.

Jörvi ÞH 300 var smíðaður á Skagaströnd fyrir þá feðga Þórarinn Vigfússon og Hinrik Þórarinsson. Félag þeirra hét Hagbarður hf. og fengu þeir bátinn, sem var 30 brl. að stærð, afhentan á vormánuðum 1973.

Í Morgunblaðinu 5. júní 1973 sagði svo frá:

Nýlega bættist í bátaflota Húsavíkur nýr bátur, Jörvi ÞH 300. Báturinn er 30 lestir að stærð, búinn öllum venjulegum siglingar- og leitartækjum, smíðaður í Skipasmíðastöð Guðmundar Lárussonar á Skagaströnd. Eigandi bátsins er Hagbarður hf. Skipstjóri er Hinrik Þórarinsson og vélstjóri Þórarinn Höskuldsson. Báturinn hefur þegar hafið veiðar.

Jörva gerðu þeir feðgar út fram á mitt ár 1977 er þeir selja hann vestur á Ísafjörð.

Kaupendur voru Kristinn Haraldsson og Ólafur Guðmundsson og nefndu þeir bátinn Ragnar Ben ÍS 210. Eigendaskipti verða á bátnum 1980 en þá eru skráðir eigendur Kristinn Haraldsson og Ragnar Á. Kristinsson.

Í nóvember 1983 strandar báturinn á skeri við Brimnes,rétt vestan Hellisands, og sökk á svipstundu. Fjögurra manna áhöfn bátsins komst við illan leik upp á skerið og var síðan bjargað heilum á húfi til lands. Þessar upplýsingar eru m.a. fengnar úr bókinni Íslensk skip.

Þegar báturinn strandaði var hann í eigu Ásgeirs Þórðarsonar í Keflavík en var að róa frá Ólafsvík.

Með því að smella á myndina er hægt að skoða hana í hærri upplausn.

By clicking on the images you can view them in higher resolution


Oddur á Nesi orðinn Geirfugl

2500. Oddur á Nesi SI 76 nú Geirfugl GK 66. Ljósmynd Hafþór Hreiðarsson 2018.

Línubáturinn Oddur á Nesi ÓF 176 er samkvæmt vef Fiskistofu búinn að fá nafnið Geirfugl GK 66 og er í eigu Stakkavíkur ehf. í Grindavík.

Jói Brands GK 517 sem Stakkavík ehf. átti hefur farið hina leiðina og heitir í dag Oddur á Nesi ÓF 176.

Geirfugl GK 66, sem hefur verið að róa frá Skagaströnd að undanörnu, hét upphaflega Ósk KE 5. Hann var smíðaður hjá Seiglu ehf. í Reykjavík árið 2004 og er af gerðinni Seigur 1400. Hann er 14 metra langur, 4,20 á breidd og mælist 25 BT að stærð.

Báturinn er ekki ókunnur Grindvíkingum því bæði hefur Stakkavík ehf. átt hann áður og eins hét hann Árni í Teigi GK 1 árin 2005-2012.

Annars er nafnarunan svona: Ósk KE 5, Frosti II KE 230, Árni í Teigi GK1, Pálína Ágústsdóttir GK 1, Reynir GK 666, Guðbjörg GK 666, Hulda HF 27, Oddur á Nesi SI 76, Oddur á Nesi ÓF 176 og loks Geirfugl GK 66.

Báturinn var yfirbyggður hjá Siglufjarðar-Seig árið 2014.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Hulda ÍS 448

1892. Hulda ÍS 448. Ljósmynd Hafþór Hreiðarsson.

Rækjubáturinn Hulda ÍS 448 frá Ísafirði er hér á togslóðinni úti fyrir Norðurlandi árið 1989 að mig minnir.

Hulda ÍS 448 var smíðuð í Svíþjóð fyrir Arnór Sigurðsson skipstjóra og útgerðarmann á Ísafirði.

Í 12. tbl. Ægis 1988 segir m.a svo frá:

Nýtt frambyggt stálfiskiskip, m/s Hulda ÍS 448, kom til heimahafnar sinnar, Ísafjarðar, 27. maí s. l.

Skipið er smíðað hjá Karlstadsverken AB, Karlstad í Svíþjóð, smíðanúmer 8 hjá stöðinni, en er hannað af Vik & Sandvik A/S í Noregi. Smíði á skrokk fór fram hjá Wermia Industri AB, í Åmål.

Hulda ÍS kemur í stað 29 rúmlesta eikarbáts, smíðaður árið 1956 í Danmörku, sem bar nafnið Tjaldur ÍS og fórst í desember 1986. Hulda ÍS er sérstaklega búin til togveiða með áherslu á rækjuveiðar.

Eigandi Huldu ÍS er Arnór Sigurðsson, sem jafnframt er skipstjóri á skipinu.

Hulda ÍS 448 var 18,60 metra löng, 6 metra breið og mældist 53 brl. að stærð.

Eldhamar hf. í Grindavík keypti Huldu ÍS 448 haustið 1990 og fékk báturinn nafnið Eldhamar GK 13.

Um ári síðar strandaði báturinn við Hópsnestá og eyðilagðist. Fimm menn fórust en einn bjargaðist í þessu hörmulega sjóslysi. Eldhamar GK 13 hafði verið lengdur það sama ár í Póllandi.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Geiri Péturs ÞH 344

1207. Geiri Péturs Þh 344 ex Sigurbergur GK 212. Ljósmynd Hreiðar Olgeirsson 1983.

Hreiðar Olgeirsson skipstjóri á Kristbjörgu ÞH 44 tók þessa mynd af Geira Péturs ÞH 344 á vetrarvertíð á Breiðafirði.

Geiri Péturs ÞH 344 var smíðaður í Slippstöðinni á Akureyri 1971 og hét upphaflega Sigurbergur GK 212.

Korri h/f á Húsavík keypti Sigurberg GK 212 í upphafi árs 1980 og birtist þá eftirfarandi frétt í Morgunblaðinu:

Nýtt fiskiskip sem hefur hlotið nafnið Geiri Péturs, hefur bæst í fiskiskipaflota Húsavíkur. Skipið er 138 lestir og keypt frá Hafnarfirði.

Það hét áður Sigurbergur, en kaupandinn er útgerðarfélagið Korri á Húsavík. Skipstjóri verður Sigurður Olgeirsson og vélstjóri Agnar Harðarson. Skipið fer á línuveiðar í mánaðarlokin.

Árið 1987 höfðu Korri h/f og Njáll h/f í Garði skipaskipti, Geiri Péturs ÞH 344 fór í Garðinn og fékk nafnið Una í Garði GK 100. Á móti fékk Korri h/f Sigurð Bjarnason GK 100 sem var úreltur og rúmmetrarnir notaðir í kaup á nýjum Geira Péturs ÞH 344 sem keyptur var frá Noregi.

Una í Garði GK 100 fórst norður af Skagafirði aðfaranótt þriðjudagsins 17. júlí árið 2001 og með henni tveir menn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Aldey ÞH 110

1245. Aldey ÞH 110 ex Stokksey ÁR 50. Ljósmynd Hafþór Hreiðarsson.

Rækjubáturinn Aldey ÞH 110 á landleið á Skjálfanda um árið.

Báturinn var smíðaður árið 1972 á Akureyri fyrir Hraðfrystistöð Vestmannaeyja hf. og Erling Pétursson í Vestmannaeyjum. Hann hét upphaflega Surtsey VE 2. Í upphafi mældist hann 105 brl. að stærð og var með MWM 765 hestafla aðalvél. 1980 var skipið yfirbyggt og mældist þá 101 brl. að stærð. 

Hraðfrystihús Stokkseyrar hf. kaupir Surtsey VE árið 1982 og nefnir það Stokksey ÁR 50. Haustið 1992 kaupir svo Höfði hf. á Húsavík bátinn sem fær nafnið Aldey ÞH 110 og var hann gerður út til rækjuveiða undir skipstjórn Hinriks Þórarinssonar.

Höfði hf. sameinast svo Íshafi hf. 1995 og ári síðar var Aldey seld til Skotlands. Sennilega notuð til úreldingar upp í nýjan rækjufrystitogara, Júlíus Havsteen ÞH 1, sem fyrirtækið keypti frá Grænlandi.

Það er af Aldey að segja að hún fékk nafnið Ternacia FR 331 en útgerð hennar varði ekki lengi. Skotarnir voru ekki búnir að gera hana lengi út þegar Ternacia FR 331 sökk.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Áskell EA 749 á útleið frá Grindavík

2749. Áskell EA 749 ex Helga RE 49. Ljósmynd Jón Steinar 2019.

Áskell EA 749 lét úr höfn í Grindavík síðdegis í dag. Í suðvestan þræsing og þungum sjó eins og ljósmyndarinn orðaði það.

2749. Áskell EA 749 ex Helga RE 49. Ljósmynd Jón Steinar 2019.

Von er á nýjum Áskeli á þessu ári eins og lesendur síðunnar vita nú flestir af og hefur þessi , ásamt Verði EA 748, verið seldir FISK Seafood á Sauðárkróki.

2749. Áskell EA 749 ex Helga RE 49. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Dínó HU 70

2387. Dínó HU 70. ljósmynd Hafþór Hreiðarsson 2004.

Hér línubáturinn Dínó HU 70 að koma að landi á Húsavík úr línuróðri vorið 2004.

Hilmar Guðmundsson hafði keypt hann frá Hvammstanga haustið áður og einhverjum vikum eftir að þessi mynd var tekin fékk báturinn nafnið Katrín ÞH 5.

Dínó HU 70 var smíðaður árið 1999 í bátasmiðjunni Trefjum í Hafnarfirði og er af gerðinni Cleopatra 28.

Báturinn heitir Dalborg EA 317 í dag og er í eigu Bræðrastígs ehf. í Dalvíkurbyggð. Heimahöfnin er Árskógssandur. Búið er að lengja hann og telst hann vera Cleopatra 31L í dag.

Eftir að báturinn var seldur frá Húsavík hefur hann heitið Katrín HF 50, Katrín SH 41, Siglunes SH 22, Kristín KÓ 251, Bjargey ÞH 238, Tumi EA 84 og loks Dalborg EA 317.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Áskell ÞH 48 dregur netin

298. Áskell ÞH 48. Ljósmynd Hafþór Hreiðarsson 1982.

Áskell ÞH 48 er hér að draga netin á vetrarvertíðinni 1982 en myndina tók ég um borð í Skálabergi ÞH 244 þar sem ég var í áhöfn.

Áskell ÞH 48 var smíðaður fyrir Gjögur h/f á Grenivík í Danmörku 1959, ári eftir að fyrirtækið missti Von TH 5. Von strandaði við Reykjanes árið 1958, mannbjörg varð en báturinn eyðilagðist.

Áskell ÞH 48, sem var 73 brl. að stærð, var alla tíð í eigu Gjögurs h/f en örlög hans urðu þau að hann brann og varð ónýtur árið 1988.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Gasflutningaskipið Clean Planet

Clean Planet. Ljósmynd Svafar Gestsson 2019.

Svafar Gestsson tók þessar myndir í dag af gasflutningaskipinu Clean Planet rétt vestan við Honningsvåg í Finnmörk í Noregi.

Honningsvåg í Finmörku. Ljósmynd Svafar Gestsson 2019.

Clean Planet er með heimahöfn í Majuro en það siglir undir fána Marshalleyja.

Skipið er 289 metra langt og 46 metra breitt. Mælist 105,943 GT að stærð. Það var smíðað ári 2014.

Clean Planet. Ljósmynd Svafar Gestsson 2019.

Með því að smella á myndina er hægt að skoða hana í hærri upplausn.

By clicking on the images you can view them in higher resolution