Græðir BA 29

2151. Græðir BA 29 ex Kristín Hálfdánar ÍS 492. Ljósmynd Hafþór Hreiðarsson 2020.

Græðir BA 29 sem hér kemur að landi á Patreksfirði fyrir skömmu er gerður út til strandveiða og heimahöfnin Patreksfjörður.

Báturinn var smíðaður hjá Bátasmiðjunni Mótun árið 1991 og hét upphaflega Örn ST 76 með heimahöfn á Hólmavík.

Árið 1995 var báturinn kominn til Grímseyjar þar sem hann var í rúman áratug undir nafninu Jónína. Fyrst og lengst af EA 185 en síðustu tvö árin EA 190.

Árið 2006 er báturinn seldur vestur á firði þar sem hann fékk nafnið Ísbjörg ÍS 69 og heimahöfnin Súðavík. Sumarið 2013 fær hann nafnið Kristín Hálfdánar ÍS 492 en um haustið er hann seldur til Patreksfjarðar þar sem hann fékk núverandi nafn, Græðir BA 29. Eigandi Þóroddur Gissurarson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Afi Toni EA 127

5493. Afi Toni EA 127 ex Árni ÞH 127. Ljósmynd Hafþór Hreiðarsson 2020.

Afi Toni greip auga mitt í gærkveldi þegar leiðin lá um Sandgerðisbótina á Akureyri.

Þarna er kominn fyrrum Árni ÞH 127 sem Bragi Sigurðsson gerði út í árafjöld frá Húsavík.

Um Árna hef ég skrifað í færslu frá ársbyrjun 2019:

Árni ÞH 127 var smíðaður úr furu og eik af Svavari Þorsteinssyni skipasmið á Akureyri árið 1961. 

Samkvæmt vef Árna Björns á Akureyri hét báturinn upphaflega Hafræna EA 42. Því næst Bára ÞH 117 og að lokum Árni ÞH 127. Var reyndar skráður ÞH 227 um tíma.

Bragi Sigurðsson eigandi og útgerðarmaður Árna ÞH 127 seldi bátinn til Akureyrar í haust en hann hafði legið í Húsavíkurhöfn um hríð.

Eigandi bátsins samkvæmt skipaskrá er Guðmundur Jónsson.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Norma Mary H110

IMO 8704808. Norma Mary H110 ex Fríðborg FD 242. Ljósmynd Hafþór Hreiðarsson 2020.

Norma Mary, skip Onw­ard Fis­hing Comp­any dótt­ur­fé­lags Sam­herja í Bretlandi, kom til löndunar á Akureyri í gærkveldi.

Norma Mary var smíðuð 1989 og hefur áður borið nöfnin Ocean Castle, Napoleon og Fríðborg áður en hún fékk núverandi nafn árið 2010.

Norma Mary var lengd 2011 og er nú 73,4 metrar að lengd. Breiddin er 13 metrar og hún mælist 2342 GT að stærð.

Norma Mary er með heimahöfn í Hull.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Týr á útleið

1421. V/S Týr á útleið. Ljósmynd Jón Steinar 2020.

Jón Steinar tók þessar flottu myndir af varðskipinu Tý í gær þegar skipið var á útleið frá Seyðisfirði.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Votaberg KE 37

7040. Votaberg KE 37 ex Eiður EA 13. Ljósmynd Jón Steinar 2020.

Votabergið er byrjað að leita fyrir sér með makrílinn og Jón Steinar tók þessa mynd af því þar sem það var við leit undan Berginu í Keflavík.

Votaberg KE 37 , sem ger er út af GunGum ehf., var smíðað árið 1987 í Bátasmiðjunni Mótun hf. í Hafnarfirði og hét upphaflega Eiríkur SK 201.

Síðar hét báturinn Lax SH 600, Kvikk ÞH 112, Loftur Breiðfjörð SH 717, Kristján EA 378 og loks Eiður ÓF 4, ÓF 13 og síðar EA 13.

Árið 2018 fékk báturinn núverandi nafn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Wilson Thames við Bökugarðinn

IMO 9177894. Wilson Thames. Ljósmynd Hafþór Hreiðarsson 2020.

Flutningaskipið Wilson Thames kom til Húsavíkur í gærkveldi og lagðist að Bökugarðinum þar sem verið er að skipa farminum upp.

Wilson Thames, sem kom hingað frá Sandnes í Noregi, er 90 metra langt, 12 metra breitt og mælist 1,846 brúttótonn að stærð. Skipið var smíðað árið 200 og siglir undir fána Barbadoseyja, heimahöfnin Bridgetown.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Eyvindur KE 99

1475. Eyvindur KE 99 ex Eyvindur KE 37. Ljósmynd Hafþór Hreiðarsson.

Eyvindur KE 99 sem hér kemur að landi í Keflavík um árið hét upphaflega Sæborg ÞH 55 og var gerð út frá Húsavík.

Sæborg ÞH 55, sem er 40 brl. að stærð, var smíðuð á Bátaverkstæði Gunnlaugs og Trausta á Akureyri árið 1977.

Sæborg ÞH 55 var seld til Keflavíkur árið 1991 þar sem hann fékk nafnið Eyvindur KE 37. Árið 2000 verða eigendaskipti á bátnum, Árni Jónsson ehf. kaupir hann af Eyvindi ehf. og við það fékk hann KE 99 í stað KE 37.

Árið 2002 kaupir Hraunútgerðin ehf. bátinn aftur til Húsavíkur og fær hann sitt gamla nafn, Sæborg ÞH 55.

Sæborg var seld vorið 2009 til Bolungarvíkur þar sem báturinn fékk nafnið Gunnar Halldórs ÍS 45. Árið 2014 fékk hann nafnið Áróra eftir að hafa verið gerður upp til farþegasiglinga.

Vorið 2016 kaupir Noirðursigling bátinn aftur til Húsavíkur og enn fær hann sitt upphaflega nafn, Sæborg, sem hann ber í dag.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Sindri BA 24

7433. Sindri BA 24 ex Kolbeinn Hugi ÞH 376. Ljósmynd Hafþór Hreiðarsson 2020.

Sindri BA 24, sem á þessum myndum sést koma til hafnar á Patreksfirði fyrir skömmu, var smíðaður hjá Trefjum í Hafnarfirði árið 1995.

Báturinn, sem er af gerðinni Skel 86, hét upphaflega Bergur Pálsson ÞH 376 og var með heimahöfn á Raufarhöfn. Báturinn fékk nafnið Kolbeinn Hugi árið 1999 en var áfram ÞH 376.

Á síðari hluta ársins 2007 var báturinn keyptur til Patreksfjarðar þar sem hann fékk núverandi nafn, Sindri BA 24. Eigandi og útgerðarmaður Búi Bjarnason.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Byr NS 192

992. Byr NS 192 ex Fiskines GK 264. Ljósmynd Hafþór Hreiðarsson.

Byr NS 192 hét upphaflega Benedikt Sæmundsson GK 28 og var smíðaður í Bátalóni hf. í Hafnarfirði árið 1965.

 Í Alþýðublaðinu birtist eftirfarandi frétt þann 27. október 1965:

Í gær var hleypt af stokkunum nýjum báti hjá skipasmíðastöðinni Bátalón í Hafnarfirði. Báturinn, sem hlaut nafnið Benedikt Sæmundsson, er 35 lestir að stærð og er stærsti báturinn, sem Bátalón hefur smíðað.

Þorbergur Ólafsson framkvæmdastjóri Bátalóns skýrði blaðinu svo frá í gær, að tvö ár væru liðin síðan smíði bátsins hófst,  en verkið hefur að nokkru leyti verið ígripavinna, þegar önnur verkefni hafa ekki legið fyrir, og auk þess hefur rekstrarfjárskortur tafið smíðina nokkuð.

Þetta er stærsti báturinn sem Bátalón hefur smíðað, en hann er sem fyrr segir rúmlega 35 lestir að stærð. Smíðanúmer bátsins er 345, og er þá talið frá einum. 

Benedikt Sæmundsson GK 28 er eign hlutafélagsins BEN h.f. í Garðinum, og skipstjóri á honum verður Sveinn R. Björnsson. 

Í bátnum er 205 hestafla Scania Vabis vél, radar af gerðinni Kelvin Hughes, Simrad dýptarmælir og miðunarstöð af gerðinni Autozonia. 

Njáll Benediktsson, einn af eigendum bátsins gaf honum nafn, en allmargt manna var viðstatt er báturinn hljóp af stokkunum. 

Báturinn er smíðaður samkvæmt teikningu Egils Þorfinnssonar skipasmíðameistara. 

Báturinn var seldur til Húsavíkur 1969 þar sem hann fékk nafnið Svanur ÞH 100. Árið 1977 kom til eigendaskipta á bátnum Útgerðarfélagið Vísir hf. seldi Guðmundi A. Hólmgeirssyni Svaninn sem fékk nafnið Aron ÞH 105.

Frá Húsavík fór báturinn suður í Garð þar sem hann fékk nafnið Fiskines GK 264. Seldur í Hafnarfjörð 1981 og til Bakkafjarðar 1984 þar sem hann verður Byr NS, seldur til Ólafsfjarðar 1985 og verður ÓF 58.

Seldur 1987 til Bolungarvíkur og verður Jakob Valgeir ÍS 84. 1994 verður hann Máni ÍS 54, HF 54 og aftur ÍS 54 áður en hann fær núverandi nafn sem er Jón Forseti ÍS 108. ÓF 4 um tíma og aftur ÍS, þá 85.

Að lokum fékk báturinn einkennisstafina RE 300 en hann hefur legið í Reykjavíkurhöfn um árabil og er ekki á skipaskrá.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Ferskur og Skarpur

6629. Ferskur BA 103 ex Stormur BA 198. Ljósmynd Hafþór Hreiðarsson 2020.

Sómabátarnir Ferskur BA 103 og Skarpur BA 373 róa til strandveiða frá Tálknafirði sem er þeirra heimahöfn og voru myndirnar teknar fyrr í mánuðinum.

Ferskur BA 103 var smíðaður í Bátasmiðju Guðmundar árið 1985 og hét upphaflega Inga HF 200 en hefur borið þó nokkur nöfn síðan.

Þau eru Inga SF 15, Kópur HU 25, Arnar HF 190, Ásborg RE 15, Ásborg SH 230, svo aftur Ásborg RE 15, því næst Stormur SH 308, Stormur HF 308 og Stormur BA 198.

Núverandi nafn fékk báturinn árið 2018 en það er Þórhallur Helgi Óskarsson sem á Fersk og gerir út.

Skarpur BA 373 hét upphaflega Inga KÓ 28 og var smíðaður í Bátasmiðju Guðmundar árið 1986. Ári síðar var báturinn kominn til Þórshafnar þar sem hann fékk nafnið Helgi ÞH 276. Árið 1990 fékk báturinn nafnið Skarpur RE 80 og heimahöfn Reykjavíkk en frá árinu 1998 hefur hann verið á Tálknafirði undir núverandi nafni.

Eigandi og útgerðarmaður í dag er Einir Steinn Björnsson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution