Víðir Trausti SU 517

1178. Víðir Trausti SU 517. Ljósmynd úr safni Auðar Stefánsdóttur.

Víðir Trausti SU 517 var smíðaður hjá Vélsmiðju Seyðisfjarðar fyrir Trausta hf. á Eskifirði og kom hann til heimahafnar í fyrsta skipti þann 24. júlí 1971

Báturinn var 50 brl. að stærð, búinn 240 hestafla Caterpillar aðalvél. Víðir Trausti SU 517 var seldur norður á Hauganes vorið 1974. Þar hélt hann sínu nafni 0g númeri en fékk einkennisstafina EA.

1178. Víðir Trausti SU 517. Ljósmynd úr safni Auðar Stefánsdóttur.

Meðfylgjandi myndir eru úr safni Auðar Stefánsdóttir og ljáði hún síðunni þær til birtingar.

1178. Víðir Trausti SU 517. Ljósmynd úr safni Auðar Stefánsdóttur.

Báturinn sökk á Breiðafirði í síðustu viku en hann hét Blíða SH 277. Mannbjörg varð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Vilborg ÞH 11

6431. Vilborg ÞH 11 ex Eyrún ÞH 268. Ljósmynd Hafþór Hreiðarsson 2014.

Vilborg ÞH 11, sem er í eigur Hreiðars Jósteinssonar á Húsavík, var smíðuð í Trefjum árið 1982.

Hún er af gerðinni Skel 80, mælist 5,3 brl./5,21 BT að stærð búin 63 hestafla Mermaid-vél síðan 1998.

Upphaflega hét báturinn Draumur ÞH 31 og var í eigu Steingríms Árnasonar. Gunnar Gunnarsson kaupir Draum af Steingrími og nefnir Eyrúnu ÞH 268. Hreiðar kaupir síðan af Gunnari í árslok 1990 og nefnir bátinn Vilborgu ÞH 11.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Aðeins meira af Harðbak

2963. Harðbakur EA 3. Ljósmynd Hafþór Hreiðarsson 2019.

Hér koma fleir myndir af Harðbak EA 3 sem ég tók í gær. Nóg er nú til.

Harðbakur er þriðja skipið sem Útgerðarfélag Akureyrar eignast með þessu nafni, hið fyrsta kom 1950, síðutogari smíðaður í Skotlandi. Sá næsti var skuttogari smíðaður á Spáni 1974 og sá nýjasti sem hér birtist smíðaður í Noregi 2019.

2963. Harðbakur EA 3. Ljósmynd Hafþór Hreiðarsson 2019.
2963. Harðbakur EA 3. Ljósmynd Hafþór Hreiðarsson 2019.
2963. Harðbakur EA 3. Ljósmynd Hafþór Hreiðarsson 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Donna Wood

Donna Wood í Scoresbysundi. Ljósmynd Hafþór Hreiðarsson 2017.

Donna Wood er tveggja mastra skonnorta í eigu Norðursiglingar á Húsavík og siglir m.a með farþega um Scoresbysund.

Donna Wood var smíðuð árið 1918 og er því kominn á annað hundraðið í árafjölda. Hún var byggð sem vitaskip en árið 1990 var henni breytt í það horf sem hún er nú í. Þ.e.a.s tvímastra skonnorta til farþegasiglinga.

Donna Wood við bryggju í Nýhöfn. Ljósmynd Hafþór Hreiðarsson 2013.

Hún siglir undir dönskum fána og er með heimahöfn í Kaupmannahöfn þaðan sem hún var gerð út. M.a til siglinga með ferðamenn sem og gisti- og veitingastaður við Nýhöfn.

Donna Wood þykir vönduð og vel smíðuð, búin sjö káetum fyrir 12 farþega og borðsal fyrir 24.

Donna Wood. Ljósmynd Hafþór Hreiðarsson 2017.
Donna Wood. Ljósmynd Hafþór Hreiðarsson 2017.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Harðbakur EA 3 verður á dagatalinu 2020

2963. Harðbakur EA 3. Ljósmynd Hafþór Hreiðarsson 2019.

„Verður Harðbakur ekki á dagatalinu ?“ var ég spurður að á Akureyri í dag.

Svarið var stutt og laggott og það var styttra en nei.

Harðbakur EA 3 verður á dagatali Skipamynda.com árið 2020 og verðugur fulltrúi þessara sjö systurskipa sem bætast í flotann á þessu ári.

Áhugasamir geta pantað dagatalið á korri@internet.is og verðið verður á svipuðum nótum og fyrr.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Í siglingu með Húna II EA 740

108. Húni II EA 740 kemur að bryggju eftir að hafa tekið á móti Harðbak hinum nýja. Ljósmynd Hafþór 2019.

Í morgun bauðst mér að fara í siglingu með Húna II þegar báturinn sigldi til móts við nýja Harðbak EA 3.

Steini Pje á brúarvængnum. Ljósmynd Hafþór Hreiðarsson 2019.
Það voru margir með myndavélina á lofti um borð í Húna II. Ljósmynd Hafþór Hreiðarsson 2019.
Kallinn í brúnni, Víðir Benediktsson. Ljósmynd Hafþór Hreiðarsson 2019.
Kallarnir klárir með springinn. Ljósmynd Hafþór Hreiðarsson 2019.

Húni II, upphaflega HU 2, var smíðaður á Akureyri 1963 og er 27,48 metrar að lengd og 6,36 metra breiður. Harðbakur er 29 metra langur og 12 metra breiður.

2963. Harðbakur EA 3 og 108. Húni II EA 740. Ljósmynd Hafþór Hreiðarsson 2019.

Ég vil þakka Húnamönnum fyrir siglinguna sem og kaffisopann.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Harðbakur EA 3 kom til heimahafnar á Akureyri í morgun

2963. Harðbakur EA 3. Ljósmynd Hafþór Hreiðarsson 2019.

Harðbakur EA 3, nýtt togskip Útgerðarfélags Akureyringa, kom til heimahafnar á Akureyri laust fyrir klukkan 11 í morgun.

Harðbakur er fimmta skipið í raðsmíðaverkefni sem Vard-skipasmíðastöðin afhendir íslenskum útgerðum á þessu ári. Hin eru Vörður ÞH 44, Áskell ÞH 48, Vestmannaey VE 54 og Bergey VE 144. Tvö síðustu skipin, Steinunn SF 10 og Þinganes SF 25, verða afhent fyrir áramót.

Þessi nýju skip eru 28,95 metrar að lengd og 12 metra breið og mælast 611 BT að stærð. Í skipunum eru tvær aðalvélar með tveimur skrúfum.

Samherjamenn við nýja Harðbak með höfuðstöðvar ÚA í baksýn. Ljósmynd Hafþór Hreiðarsson 2019.

Á myndinni hér að ofan eru fv. Kristján Vilhelmsson framkvæmdastjóri útgerðarsviðs Samherja, Friðrik Karlsson yfirvélstjóri, Hjörtur Valsson skipstjóri, Stefanía Elísabet Hallbjörnsdóttir eiginkona Hjartar og Þorsteinn Már Baldvinsson forstjóri Samherja.

2963. Harðbakur EA 3. Ljósmynd Hafþór Hreiðarsson 2019.

Vinnslubúnaður verður settur um borð í Harðbak hjá Slippnum á Akureyri og stefnt að því að skipið hefji veiðar í byrjun næsta árs.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Dalaröst ÞH 40

1639. Dalaröst ÞH 40 ex Dalaröst ÁR 63. Ljósmynd Hafþór Hreiðarsson.

Dalaröst ÞH 40 kemur hér til hafnar á Húsavík um árið en báturinn var í eigu útgerðarfélagsins Flóka ehf. á Húsavík.

Báturinn var smíðaður í Noregi 1978 en keyptur til landsins fjórum árum seinna og hét þá Rolant II. Hér á landi fékk hann nafnið Jón Bjarnason SF 3 og eigandinn var Svalan h/f á Hornafirði. 1984 kaupir Glettingur h/f í Þorlákshöfn bátinn og nefnir hann Dalaröst ÁR 63.

Flóki ehf. á Húsavík kaupir svo Dalaröstina af Glettingi að mig minnir haustið 1999. Hann heldur nafninu en fær einkennisstafina ÞH og númerið 40. Upphaflega var 440 hestafla Kelvin aðalvél í bátnum en 1985 var skipt um vél. Sett var í hann 700 hestafla Mitsubishi aðalvél.

Hera ÞH 60 leysti Dalaröstina af hólmi árið 2008 og var báturinn seldur. Hann hélt nafninu um tíma en varð GK 150. Í upphafi árs 2009 fékk hann nafnið Hans Jakob GK 150 og haustið 2010 Tungufell BA 326.

Báturinn fór í núllflokk á Fiskistofu árið 2015 og var dregið til Belgíu það sama ár.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Nukariit II GR-5-75 í Grindavík

OYWW. Nukariit II GR-5-75. Ljósmynd Jón Steinar 2019.

Grænlenski báturinn Nukariit II GR-5-75 kom til hafnar í Grindavík í morgun en hann er á leiðinni til Grænlands frá Danmörku þar sem hann var smíðaður.

Báturinn, sem er 14,99 metra langur og 6,67 metra breiður, bíður af sér veður en áfangastaðurinn er Pamiut á vesturströnd Grænlands hvar hann verður gerður út til krabbaveiða.

OYWW. Nukariit II GR-5-75. Ljósmynd Jón Steinar 2019.

Nukariit II GR-5-75 var smíðaður í skipasmíðastöðinni Bredgaard boats í Rødby hinni sömu og smíðar nýjan Bárð SH 81.

Sá grænlenski er með smíðanúmer M-138 frá stöðinni en Bárður M-135.

OYWW. Nukariit II GR-5-75. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Guðrún GK 47

2640. Guðrún GK 47 ex Arney BA 158. Ljósmynd Raufarhafnarhöfn 2019.

Guðrún GK 47 komst í fréttir í morgun þegar báturinn strandaði við Rifstanga á Melrakkasléttu.

Björg­un­ar­skip­inu Gunn­björg frá Raufarhöfn dró hann á flot og var komið með hann til Raufar­hafn­ar að ganga hálf ell­efu í morg­un.

Guðrún GK 47, sem er í eigu Skarfakletts ehf., hét upphaflega Dúddi Gísla GK 48. Síðar Ólafur HF 200, Pálína Ágústsdóttir GK 1 og GK 54. Því næst Arney BA 158 og loks Guðrún GK 47.

Raufarhöfn í dag. Ljósmynd Raufarhafnarhöfn 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution