Sirrý ÍS 36 að veiðum

2919. Sirrý ÍS 36 ex Stamsund N-11-VV. Ljósmynd Þór Jónsson 2019.

Skuttogarinn Sirrý ÍS 36 frá Bolungarvík er hér að veiðum sunnan við land en myndina tók Þór Jónsson skipverji á Ljósafelli SU 70.

Sirrý ÍS 36, sem áður hét Stamsund N-11-VV, var keypt frá Noregi og kom inn í flotann í janúar árið 2016. Það er Jakob Valgeir ehf. í Bolungarvík sem á og gerir togarann út.

Sirrý ÍS 36 var smíðuð á Spáni árið 1988 og er 45 metra löng, 10 metra breið og mælist tæp 700 brúttótonn. Aðalvéllin er 2.440 hestöfl.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Ilivileq GR-02-201 kom úr sinni fyrstu veiðiferð í gær

Ilivileq GR-02-201 ex Guðmundur í Nesi RE 13. Ljósmynd Óskar Franz 2019.

Grænlenski frystitogarinn Ilivileq GR 02-201 frá Qaqqrtoq kom úr sinni fyrstu veiðiferð fyrir nýja eigendur síðdegis í gær.

Eins og glöggir menn kannski sjá og vita er þetta fyrrum Guðmundur í Nesi RE 13 sem nú er í eigu grænlenska fyrirtækisins Arctic Prime Fisheries ApS.

Ilivileq kom fyrst til olíutöku í Örfirisey en sigldi síðan til Hafnarfjarðar þar sem landað verður úr honum um 200 tonnum af grálúðu.

Ilivileq GR-02-201 ex Guðmundur í Nesi RE 13. Ljósmynd Óskar Franz 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Páll Jónsson GK 7 í smíðum í Alkorskipasmíðastöðinni

Nýr Páll Jónsson GK í smíðum í Póllandi. Ljósmynd Kjartan Viðarsson 2019.

Nýr Páll Jónsson GK 7 er óðum að taka á sig endanlega mynd í Alkorskipasmíðastöðinni í Gdansk í Póllandi.

Stefn er að því að þetta glæsilega 45 metra langa og 10,5 metra breiða línu­skip fari á flot á morgun.

Kjartan Viðarsson útgerðarstjóri Vísis hf. tók þessar myndir og gaf leyfi fyrir birtingu þeirra hér á síðunni.

Nýr Páll Jónsson GK í smíðum í Póllandi. Ljósmynd Kjartan Viðarsson 2019.

Hinn nýi Páll Jónsson GK 7 er fyrsta nýsmíðin sem Vísir hf. fær í sögu fyrirtækisins.

Nýr Páll Jónsson GK í smíðum í Póllandi. Ljósmynd Kjartan Viðarsson 2019.

Þetta nýja línuskip mun leysa af hólmi Pál Jónsson GK 7 sem smíðaður var í Hollandi árið 1967 og hét upphaflega Örfirisey RE 14.

Tölvuteikning af Páli Jónssyni GK 7.
Nýr Páll Jónsson GK í smíðum í Póllandi. Ljósmynd Kjartan Viðarsson 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Kaldbakur og Björgúlfur að veiðum

2891. Kaldbakur EA 1 – 2892. Björgúlfur EA 312. Ljósmynd Guðmundur Rafn Guðmundsson 2019.

Á þessari mynd Gunda eru skuttogararnir Kaldbakur EA 1 og Björgúlfur EA 312 að veiðum. Myndin var tekin í fyrrdag um borð í þriðja Samherjatogaranum af þessari gerð sem er Björg EA 7.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Steinunn HF 108

2766. Steinunn HF 108 ex Benni SU 65. Ljósmynd Jón Steinar 2019.

Línubáturinn Steinunn HF 108 kemur hér til hafnar í Grindavík fyrir helgi.

Steinunn HF 108 var smíðuð fyrir Grábrók ehf. á Hornafirði hjá Trefjum í Hafnarfirði og afhent haustið 2007. Fyrir útgerðinni stóð Friðþór Harðarson.

2766. Steinunn HF 108 ex Benni SU 65 nálgats Grindavíkurhöfn. Ljósmynd Jón Steinars.

Báturinn, sem er af gerðinni Cleopatra 38, fékk nafnið Benni SF 66 og hélt hann nafninu þótt SF 66 breyttist í SU 65. Og aftur í SF 66 og aftur í SU 65 en alltaf Benni þangað til í lok janúar sl. að Benni varð Steinunn HF 108. Enn í eigu Grábrókar ehf. sem skipt hefur um eigendur.

2766. Steinunn HF 108 ex Benni SU 65. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution