Pálína Ágútsdóttir EA 85 í roki og rigningu

1674. Pálína Ágústsdóttir EA 85 ex Sóley SH 124. Ljósmynd Elvar Jósefsson 2019.

Togbáturinn Pálína Ágústdóttir EA 85 kom til hafnar í Keflavík í dag en báturinn er á fiskistrolli.

Það var rok og rigning en það hamlaði ekki því að Elvar Jósefsson fór og myndaði bátinn við komuna.

1674. Pálína Ágústsdóttir EA 85 ex Sóley SH 124. Ljósmynd Elvar Jósefsson 2019.

Báturinn var var smíðaður í Vélsmiðju Seyðisfjarðar árið 1985 og hét upphaflega Harpa GK 111. Hann er er búinn að heita eftirtöldum nöfnum síðan: Hrísey SF 48, Silfurnes SF 99, Sóley SH 124.

1674. Pálína Ágústsdóttir EA 85 ex Sóley SH 124. Ljósmynd Elvar Jósefsson 2019.

K & G Fiskverkun ehf. keypti bátinn sumarið 2017 og gaf því núverandi nafn. Báturinn er 144 brl. /202 BT að stærð, lengd hans er 25,99 metrar og breiddin 7 metrar. Hann er búinn 764 hestafla Caterpillar aðalvél.

1674. Pálína Ágústsdóttir EA 85 ex Sóley SH 124. Ljósmynd Elvar Jósefsson 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Ásgeir RE 60

1505. Ásgeir RE 60. Ljósmynd Hafþór Hreiðarsson.

Grandatogarinn Ásgeir RE 60 leggur hér úr höfn í Reykjavík áleiðis á miðin.

Ásgeir RE 60 var smíðaður fyrir Ísbjörninn hf. í Flekkefjørd í Noregi árið 1977, kom til heimahafnar 22. desember. Systurskip hans Ásbjörn RE 50 kom síðan 28. mars 1978.

Ásgeir og Ásbjörn mældust 442 brl. að stærð, búnir 2100 hestafla Wichmannaðalvélum. Þeir voru smíðaðir fyrir Ísbjörninn hf. eins og áður segir.

Í nóvember 1985 sameinuðust Ísbjörninn hf. og BÚR og úr varð Grandi hf. sem heitir HB Grandi í dag.

Þegar Ögurvík hf. var með frystitogarann Vigra RE 71 í smíðum, í árslok 1991, höfðu Ögurvík hf. og Grandi skipaskipti. Ásgeir fór út, ásamt Krossvík AK 300 og Skagfirðingi SK 4 fyrir hinn nýja Vigra en Grandi fékk skuttogarann Ögra RE 72 í staðinn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution