Una SU 89

1237. Una SU 37 ex Leynir SU 89. Ljósmynd Hafþór Hreiðarsson.

Una SU 89 kemur hér til hafnar í Þorlákshöfn um árið en báturinn var frá Eskifirði.

Una SU 89 var smíðuð hjá Bátaverkstæði Gunnlaugs og Trausta sf. á Akureyri árið 1972 og mældist 16 brl. að stærð

Báturinn var smíðaður fyrir Karl Hólm, Inga Friðbjörnsson og Pál Þorsteinsson á Sauðárkróki sem nefndu bátinn Sunnu SK 14.

Þeir áttu bátinn í um hálft ár en þá seldu þeir Óla Ægi Þorsteinssyni á Þórshöfn bátinn sem nefndi hann Litlanes ÞH 52.

Óli átti hann til ársins 1976 en þá var hann er seldur til Seyðisfjarðar þar sem hann heldur Litlanesnafninu en verður NS 51.

Báturinn hefur síðan heitið nöfnunum Litlanes SF 5, Jón Kjartan HU HU 27, Bragi SU 274, Bragi GK 274, Leynir GK 8, Leynir SU 89 og loks Una SU 89 sem var hans síðasta nafn.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Óli á Stað GK 99 kemur til hafnar í Grindavík

2842. Óli á Stað GK 99. Ljósmynd Jón Steinar 2019.

Línubáturinn Óli á Stað GK 99 kemur hér til hafnar í Grindvík á öðrum degi páska í ár.

Óli á Stað GK 99 var smíðaður á Akureyri, í Seiglu, og afhentur vorið 2017. Hann er 14,8 metra langur og mælist 29.95 BT að stærð.

Það er Stakkavík ehf. í Grindavík sem á bátinn og gerir út.

2842. Óli á Stað GK 99. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Sapphire II kom til Reykjavíkur í vikunni

Sapphire II MK-0360 ex Havstrand M-225-H. Ljósmynd Óskar Franz 2019.

Óskar Franz myndaði rússneska frystitogarann Sapphire II MK-360 þegar hann kom til hafnar í Reykjavík í vikunni.

Togarinn hét upphaflega Havstrand M-225-H og var smíðaður í Brattvåg Skipsinnredning A/S í Brattvåg.

Hann var afhentur í desember 1987 en stöðin í Brattvåg lét smíða skrokkinn hjá Bruce Verkstad A/B.í Landskrona í Svíþjóð.

Sapphire II er 65,5 metra breiður og 13,02 metrar á breidd. Mælist 2,071 GT að stærð.

Rússar eignast skipið á árinu 2013. það er skráð í Murmansk en útgerð skipsins hefur aðsetur í Arkhangelsk.

Með því að smella á myndina er hægt að skoða hana í hærri upplausn.

By clicking on the images you can view them in higher resolution