Sigurður VE 15 á útleið

2883. Sigurður VE 15. Ljósmynd Hólmgeir Austfjörð 2019.

Sigurður VE 15 lét úr höfn í Vestmannaeyjum undir kvöld og náði Hólmgeir Austfjörð þessum myndum af honum.

Íslensku kolmunnaveiðiskipin hafa verið að veiðum á alþjóðlegu hafsvæði vestur af Írlandi og því löng sigling framundan hjá þeim á Sigurði.

2883. Sigurður VE 15. Ljósmynd Hólmgeir Austfjörð 2019.

Sigurður VE 15 var smíðaður hjá Celektrans í Tyrklandi og afhentur árið 2014. Skipið er 80,3m langt, 17m breitt og 3.763BT.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution

Sævík GK 757 séð úr lofti

2714. Sævík GK 757 ex Óli Gísla Gk 112. Ljósmynd Jón Steinar 2019.

Það hefur verið mjög góður afli hjá Grindavíkurbátum upp á síðkastið og hér má sjá Sævík GK 757 koma að landi í gær.

Aflinn var um 13 tonn hjá köllunum á Sævík sem Vísir hf. gerir út.

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution

Orri ÍS 20

1052. Orri ÍS 20 ex Guðbjartur Kristján ÍS 20. Ljósmynd Hafþór Hreiðarsson.

Þarna hefur Orri ÍS 20 frá Ísafirði komið í slipp á Akureyri. Orri var smíðaður í Flekkefjørd í Noregi árið 1967 fyrir Hraðfrystihúsið Norðurtangann hf. og hét í fyrstu Guðbjartur Kristján ÍS 20 og síðan Orri ÍS 20.

Skipið var síðan selt Bakka hf. í Bolungarvík og fékk þá nafnið Vinur ÍS 8. Síðar var skipið selt Fiskanesi hf. í Grindavík og fékk nafnið Albatros GK 60. Selt aftur vestur til Bolungarvíkur þar sem það fékk nafnið Einar Hálfdáns ÍS 11. Selt til Noregs 2007.

Í Alþýðublaðinu þann 15. október 1967 sagði svo frá komu Guðbjarts Kristjáns ÍS 20 til heimahafnar:

Nýr, 312 tonna bátur kom til Ísafjarðar hinn 25. september síðastliðinn. Bátur þessi, Mb. Guðbjartur Kristján ÍS 20 byggður í Flekkufirði í Noregi. Aðalvél bátsins er af gerðinni Lister, hann hefur tvœr ljósavélar og hliðarskrúfur.

Eigandi bátsins er Norðurtangi hf, Ísafirði, en framkvæmdastjórifyrirtækisins er Baldur Jónsson. Skipstjóri á Guðbjarti Kristjáni, ÍS 20, er Hörður Guðbjartsson.

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution