Happasæll KE 94

2660. Happasæll KE 94. Ljósmynd Hafþór Hreiðarsson 2006.

Happasæll KE 94 sést hér koma að landi í Keflavík á vetrarvertíðinni árið 2006.

Þegar Happasæll KE 94 var sjósettur í desembermánuði árið 2004 kom eftirfarandi frétt í Morgunblaðinu:

Stærsti plastbátur landsins var sjósettur frá Grandagarði um helgina, þegar Happasæll KE-94, var sjósettur. Hann er um 30 tonn og með tvær 600 hestafla aðalvélar.

Það er Seigla ehf. sem smíðar bátinn og er hann af gerðinni Seigur 1500. Hann verður gerður út á netaveiðar frá Keflavík, eins og eldri bátar með sama nafni.

Happasæll KE 94 var smíðaður fyrir Happa ehf. sem lengi hafðii gert út báta undir þessu nafni. Á undan þessum var það Happasæll sá sem smíðaður var í Kína og heitir í dag Hvanney SF 51.

Í desember 2008 kaupir Útgerð Arnars ehf. í Stykkishólmi Happasæl og í ársbyrjun 2009 fær hann nafnið Arnar SH 157. Það nafn hefur hann borið lengst af síðan en í byrjun þessa árs fékk hann nafnið Arnar II SH 757.

Byggt hefur verið yfir þilfar bátsins sem er í aflamarkskerfinu og gerður út á net.

2660. Happasæll KE 94. Ljósmynd Hafþór Hreiðarsson 2006.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution

Dala-Rafn VE 508 kemur inn til Eyja í brælunni

2758. Dala-Rafn VE 508. Ljósmynd Hólmgeir Austfjörð 2019.

Hér koma myndir af Dala-RAfni VE 508 koma til hafnar í Vestmannaeyjum í brælunni í fyrradag.

Eins og ég hef skrifað áður hér síðuna var Dala Rafn VE 508 smíðaður í Póllandi árið 2007 fyrir samnefnt útgerðarfélag. Þá var hann grænn en Ísfélag Vestmannaeyja keypti bátinn 2014 og með tímanum varð hann rauður.

2758. Dala-Rafn VE 508. Ljósmynd Hólmgeir Austfjörð 2019.

Dala-Rafn VE 508 á sér þrjú systurskip í flotanum, Bergey VE 544, Vestmannaey VE 444 og Vörð EA 748.

2758. Dala-Rafn VE 508. Ljósmynd Hólmgeir Austfjörð 2019.
2758. Dala-Rafn VE 508. Ljósmynd Hólmgeir Austfjörð 2019.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution