Odd Lundberg og Rav í Skagen

Odd Lundberg T-55-G. Ljósmynd Anna Ragnarsdóttir 2019.

Síðunni bárust myndir frá Skagen í Danmörku sem sýna tvö uppsjávarveiðiskip sem eru í smíðum fyrir Norðmenn.

Þetta eru Odd Lunnberg T-55-G sem er með heimahöfn í Harstad og Rav TR-4-O sem er með heimahöfn í Þrándheimi.

Rav TR-4-O. Ljósmynd Anna Ragnarsdóttir 2019.

Rav er öllu stærra að sjá en Odd Lundberg og munar um 10 metrum á lengd þeirra en breiddin svipuð.

Raw er 79,75 metrar að lengd og 15,50 metrar að breidd. Skipið. sem er smíðað fyrir Peter Hepsø Rederi A/S leysir af hólmi 65 metra langt skip útgerðarinnar sem einnig heitir Rav og verður selt. Hér má lesa nánari uppl. um nýsmíðina sem ber smíðanúmerið 443

Odd Lundberg er með smíðanúmer 444 hjá Karstensens Skibsvaerft A/S og er smíðað fyrir fjölskyldufyrirtækið Odd Lundberg A/S. Skipið er 69,99 metrar að lengd og breidd þess 15,20 metrar. Það leysir af hólmi 59 metra skip útgerðarinnar með sama nafni sem smíðað var 2003. Hér má lesa nánari uppl. um nýsmíðina sem ber smíðanúmerið 444.

Skipin eru fullkláruð hjá Karstensens Skibsvaerft A/S í Skagen en skrokkur skipanna er smíðaður í skipasmíðastöð sem fyrirtækið á í Póllandi. 

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution

Hrafn GK 111 kemur og fer

1401. Hrafn GK 111 ex Ágúst GK 95. Ljósmynd Jón Steinar 2019.

Línuskipið Hrafn GK 111 kom til hafnar í Grindavík í gær en hafði stutta viðdvöl og fór út strax aftur.

Jón Steinar tók þessar flottu myndir af Hrafninum á drónann sinn sem og þetta myndband.

1401. Hrafn GK 111 ex Ágúst GK 95. Ljósmynd Jón Steinar 2019.

Hrafn GK 111 hét upphaflega Gullberg VE 292 og var smíðaður hjá Baatservice Verft A/S í Mandal í Noregi 1974 fyrir Ufsaberg hf. í Vestmannaeyjum.

1401. Hrafn GK 111 ex Ágúst GK 95. Ljósmynd Jón Steinar 2019.

Skipið var yfirbyggt 1977 og lengt 1995 og brúin hækkuð ásamt því að settur var á það bakki.

Hrafn GK 111, sem áður hét Ágúst GK 95, er 48,46 metrar á lengd, 8,2 metra breiður og mælist 446 brl. / 601 BT að stærð.

1401. Hrafn GK 111 ex Ágúst GK 95. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution