Pálína Þórunn GK 49 landaði í Grindavík

2449. Pálína Þórunn GK 49 ex Steinunn SF 10. Ljósmynd Jón Steinar Sæmundsson 2020.

Togskipið Pálína Þórunn GK 49 kom til hafnar í Grindavík síðdegis í dag og landaði en kallarnir voru með nánast fullfermi..

Jón Steinar tók þessar myndir en aflinn var um 175 kör eftir sólarhring á veiðum. Aflinn fékkst vestur af Surtinum. Pálína Þórunn GK 49 , sem er gerð út af Nesfiski hf. í Garði, hélt út strax aftur að lokinni löndun.

Pálína Þórunn GK 49 hét upphaflega Helga RE 49 en Skinney-Þinganes keypti hana árið 2005 og gaf nafnið Steinunn SF 10.

Hún var smíðuð í Kína árið 2001 og er um 29 metrar að lengd. Nesfiskur hf. keypti hana í fyrra og gaf henni þetta nafn sem hún ber í dag. Heimahöfn hennar er Sandgerði og skipstjóri Snorri Snorrason.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Kristbjörg ÞH 44 að dragnótaveiðum á Skjálfanda

1420. Kristbjörg ÞH 44. Ljósmynd Pétur Helgi Pétursson 1986.

Þessar myndir af Kristbjörgu ÞH 44 tók Pétur Helgi Pétursson, þá skipverji á Geira Péturs ÞH 344, vorið 1986.

Þennan dag var Geiri Péturs að koma úr Breiðafirðinum eftir afar gjöfula netavertíð en við á Kristbjörginni stunduðum dragnótaveiðar heima fyrir á meðan. Það fiskaðist það vel í flóanum að ekkert varð úr því að farið yrði á netin.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Sigurborg AK 375 á Breiðafirði

1019. Sigurborg AK 375 ex Freyja RE 38. Ljósmynd Hafþór Hreiðarsson 1984.

Hér sjáum við Sigurborgina AK 375 frá Akranesi en myndin var tekin á Breiðafirði á vetrarvertíðinni 1984.

Sigurborg AK 375 upphaflega Sveinn Sveinbjörnsson NK 55 frá Neskaupsstað, smíðaður í Hommelvik í Noregi 1966. 

Sveinn Sveinbjörnsson NK 55 var smíðaður fyrir Múla hf. á Neskaupstað en 1978 kaupir Gunnar I. Hafsteinsson í Reykjavík bátinn og fær hann nafnið Freyja RE 38. 

1980 skipta Gunnar og Þórður Guðjónsson á Akranesi á skipum og fær Freyja nafnið Sigurborg sem hún hefur haldið fram á þennan dag. 

Einkennisstafirnir fyrir utan AK 375 hafa verið KE 375 , VE 121 , HU 100 og SH 12.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Auður Vésteins SU 88

2888. Auður Vésteins SU 88 . Ljósmynd Jón Steinar 2020.

Einhamarsbáturinn Auður Vésteins SU 88 kom til hafnar í Grindavík í gær og náði Jón Steinar þessum myndum af henni.

Auður Vésteins SU 88 er af gerðinni Cleopatra 50, smíðaður hjá Trefjum árið 2014.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution