Kópanes RE 270 ligur hér við bryggju um árið en það var Útgerðarfélagið Tjaldur ehf. sem átti skipið og gerði út.
Kópanes hét upphaflega Mestre Manuel Casqueira og var smíðað í Portúgal árið 1984 en keypt hingað til lands árið 1986.
Það var Hraðfrystihús Patreksfjarðar hf. sem keypti það og nefndi Þrym BA 7 og kom í stað eldri báts með sama nafni.
Árið 1990 fékk Þrymur nafnið Látraröst BA 66 og þrem árum síðar hét hann Guðmundur Péturs ÍS 45 með heimahöfn á Ísafirði.
Árið 2000 var Guðmundur Péturs orðinn RE 42 og ári síðar fékk hann nafnið Kópanes RE 270.
Kópanes var selt til Spánar árið 2003.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
