Sólbakur EA 305

1558. Sólbakur EA 305 ex Dagstjarnan KE 3. Ljósmynd Hafþór Hreiðarsson.

Sólbakur EA 305 lætur hér úr höfn á Akureyri um árið en Útgerðarfélag Akureyringa hf. gerði togarann út um nokkurraára skeið.

ÚA keypti togarann, sem hét Dagstjarnan KE 3, síðla árs 1987 og fékk togarinn nafnið Sólbakur EA 305.

Sólbakur EA 305 var gerður út til ársins 1992 en 12. mars það ár kom hann úr síðustu veiðiferðinni fyrir ÚA. Hann var síðan seldur úr landi til niðurrifs. 

Upphaflega hét togarinn C.S Forester og var smíðaður árið 1969. Hann var 56,54 metrar að lengd, 10.97 metra breiður og mældist 743 brl. að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Haförn ÞH 26

1979. Haförn ÞH 26 ex Þorsteinn BA 1. Ljósmynd Hafþór Hreiðarsson 2020.

Haförn ÞH 26 kom að landi á Húsavík nú síðdegis en báturinn stundar dragnótaveiðar. Það er Uggi fiskverkun ehf. sem á Haförninn og gerir út.

Haförn ÞH 26 hét áður Þorsteinn BA 1 frá Patreksfirði og smíðaður var í Garðabær árið 1989. 

Upphaflega Faxafell GK 110, því næst Blíðfari GK 275, Mundi SF 1 og Þorsteinn BA 1.

Báturinn, sem er búinn 450 hestafla aðalvél frá árinu 2001, var lengdur 1993 og mælist 71 brúttótonn (29,9 brúttórúmlestir) að stærð.

Uggi fiskverkun ehf. keypti bátinn til Húsavíkur haustið 2010.

1979. Haförn ÞH 26 ex Þorsteinn BA 1. Ljósmynd Hafþór Hreiðarsson 2020.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Ljósfari ÞH 40 með nótina á síðunni

973. Ljósfari ÞH 40 ex Dagfari ÞH 40. Ljósmynd Hreiðar Olgeirsson.

Ljósfari ÞH 40 hét upphaflega Dagfari ÞH 40 og var smíðaður árið 1965 í Boizenburg A-Þýskalandi fyrir bræðurnar Stefán og Þór Péturssyni á Húsavík. 

1967 fékk fyrirtæki þeirra bræðra, Barðinn hf., tvö ný skip sem einnig voru smíðuð í Boizenburg en voru ívið  stærri. Þau hétu Náttfari ÞH 60 og Dagfari ÞH 70, fékk þá eldri Dagfari nafnið Ljósfari ÞH 40. 

Með því að smella á myndina er hægt að skoða hana í hærri upplausn.

By clicking on the images you can view them in higher resolution