2799. Daðey GK 777 ex Örninn ÓF 176. Ljósmynd Jón Steinar 2020.
Línubáturinn Daðey GK 777 sést hér koma til hafnar í Grindavík með í gærkvöldi. Aflinn 10 tonn sem fékkst á 11 rekka.
Daðey GK 777, sem gerð er út af Vísi hf., hét upphaflega Oddur á Nesi SI 76. Smíðaður á Siglufirði 2010 fyrir Útgerðarfélagið Nesið ehf. á Siglufirði.
Í maímánuði 2015 var hann orðinn ÓF 176, í eigu sömu útgerðar, og í apríl 2016 fær hann nafnið Örninn ÓF 176.
Marver ehf. í Grindavík keypti bátinn síðan á árinu 2016 og fékk hann nafnið Daðey GK 777. Í nóvember 2017 er Vísir hf. skráður eigandi á vef Fiskistofu.
2799. Daðey GK 777 ex Örninn ÓF 176. Ljósmyndir Jón Steinar 2020.
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
1640. Gyllir ÍS 261 ex Valur SU 68. Ljósmynd Hafþór Hreiðarsson.
Línubáturinn Gyllir ÍS 261 liggur hér við bryggju í Þorlákshöfn fyrir margt löngu en upphaflega hét hann Patrekur BA 64.
Patrekur BA 64 var afhentur frá Skipavík h/f í Stykkishólmi í nóvembermánuði 1982 og í 1. tbl. Ægis 1983 sagði m.a svo frá:
4. nóvember sl. afhenti Skipavík h.f í Stykkishólmi nýtt 172 rúmlesta tveggja þilfara stálfiskiskip, sem er nýsmíði nr. 21 hjá stöðinni og hlaut skipið nafnið Patrekur BA 64.
Smíði skipsins var með nokkuð sérstökum hæetti, en skrokkur skipsins var smíðaður í Svíþjóð hjá Marstrandverken í Marstrand eftir teikningufrá Fartygskonstruktioner AB í Uddevalla.
Skrokkinn keypti síðan núverandi eigandi skipsins og kom hann til landsins frá Noregi í september 1980. Skrokkurinn var síðan lengdur um 6.0 m og lokið við smíðina hjá Skipavík h.f.
Skipið er búið til línu-, neta- og togveiða, varpa tekin inn á tromlu, og má nefna að í skipinu eru möguleikar á frystingu.
Patrekur BA er í eigu samnefnds hlutafélags á Patreksfirði. Skipstjóri er Magnús Jónsson og 1. velstjóri Gunnar Héðinsson. Framkvœmdastjóri utgerðar er Jón Magnússon.
Patrekur BA 64 var 172 brl. að stærð, búinn 750 hestafla Crepelle aðalvél. Hann var seldur til Stöðvarfjarðar haustið 1991 þar sem hann fékk nafnið Valur SU 68.
Vorið 1991 fær hann nafnið sem hann ber á myndinni, Gyllir ÍS 261, en þá hafði hann verið keyptur til Flateyrar. Árið 2000 fær hann nafnið Hraunsvík GK 90 sem reyndist hans síðasta nafn á Íslenskri skipaskrá því árið 2003 var hann seldur til Suður-Afríku.
Með því að smella á myndina er hægt að skoða hana í hærri upplausn.
By clicking on the images you can view them in higher resolution
