Hafbjörg EA 23 frá Hauganesi siglir hér inn Skjálfandann um árið en hún var gerð héðan út til úthafsrækjuveiða um tíma. Eigandi og útgerð Auðbjörg s/f á Hauganesi við Eyjafjörð.

Hafbjörg EA 23 hefur áður komið við sögu á síðunni þar sem stiklað var á stóru í sögu hennar en hún var smíðuð í Danmörku árið 1961 og hét upphaflega Gísli lóðs GK 130.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Skálavík ÁR 185 , sem hér sést koma að bryggju í Þorlákshöfn á vetrarvertíðinni 1982, var gerð út af Ragnari Jónssyni á Eyrarbakka.

Skálavík var smíðuð árið 1970 hjá Vélsmiðju Seyðisfjarðar hf. fyrir Þjóðrek hf. Djúpavogi en 1973 var hún seld til Þórshafnar. Kaupandinn var Skálavík h/f sem hélt sama nafni á bátnum sem varð ÞH 178.

Upphaflega var báturinn 48 brl. að stærð en endirmældur árið 1973 og mældist þá 45 brl. að stærð. Í bátnum var 230 hestafla Scania aðalvél en henni var skipt út árið 1979 fyrir 275 hestafla Scania. Þá átti Ragnar Jónsson orðið bátinn en hann keypti hann til Eyrarbakka árið 1976.

Árið 1987 fékk báturinn fyrst annað nafn en Skálavík en saga hans eftir það verður sögð síðar. Báturinn heitir Harpa HU 4 í dag og er gerð út frá Hvammstanga.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution