Aðalbjörg II RE 236

1414. Aðalbjörg II RE 236 ex Gulltoppur ÁR 321. Ljósmynd Hafþór Hreiðarsson.

Aðalbjörg II RE 236 kemur að bryggju í Reykjavíkurhöfn á níunda áratug síðustu aldar. Einhverra hluta vegna á ég ekki margar brúklegar myndir af þessum bát undir þessu nafni en upphaflega hét hann Vöttur SU 3.

Báturinn var smíðaður í Bátasmiðjunni Vör hf. á Akureyri árið 1975. mældist 29 brl. að stærð og var búinn 300 hestafla Vovo Penta aðalvél. Hann hét eins og áður segir Vöttur SU 3 en snemma árs 1978 var hann seldur til Dalvíkur þar sem hann fékk nafnið Vinur EA 80.

Aðalbjörg s/f í Reykjavík kaupir bátinn árið 1986 og nefnir Aðalbjörgu II RE 236. Hann átti síðar eftir að heita Gulltoppur ÁR 321, Haförn ÞH 26, Ási ÞH 3 og núverandi nafn Áskell Egilsson fékk hann árið 2017.

Áskell Egilsson er gerður út til hvalaskoðunar frá Akureyri en þess má geta að árið 1987 var upphaflega aðalvélin leyst af hólmi með nýrri 300 hestafla Volvo Penta.

Með því að smella á myndina er hægt að skoða hana í hærri upplausn.

By clicking on the images you can view them in higher resolution