Hér birtast myndir sem sýna Fanney ÞH 130 sem gerð var út undir þessu nafni frá Húsavík árin 1961 til 1975 er ný Fanney ÞH 130 leysti hana af hólmi.
Það var í desember 1960 sem báturinn var keyptur og kom hann til heimahafnar á Húsavík í janúar 1961. Kaupendur voru Kristján Sigurjónsson frá Naustavík og synir hans Sigurbjörn og Sigtryggur sem gert höfðu Njörð ÞH 44 út áður. Inn í hópinn kom kom Kristbjörg systir þeirra bræðra og frændi þeirra Ívar Júlíusson. Heimild: Saga Húsavíkur.
Upphaflega hét Fanney ÞH 130 Byr NK 77 og var smíðuð á ísafirði 1955 fyrir Harald Hjálmarsson á Neskaupstað. Báturinn var 17 brl. að stærð búinn 72 hestafla June Munktelvél. Árið 1958 var sett í hann 162 hestafla MWM en eins og áður segir var Byr seldur til Húsavíkur um áramótin 1960-1961.
Aftur var skipt var um vél í Fanney ÞH 130 árið 1970 og aftur var það 162 hestafla MWM sen fór niður í bátinn.
Pálmi Karlsson á Húsavík keypti Fanney ÞH 130 árið 1975 og nefndi hana Helgu Guðmundsdóttur ÞH 133. Hún var seld til Skagastrandar árið 1978 þar sem báturinn fékk nafnið Húni HU 2, eigandi Húnaröst hf.
Haustið 1981 er Húni HU 2 seldur til Hafnarfjarðar þar sem hann fékk nafnið Haftindur HF 123, kaupendur Karel Karelsson og Gunnar Jónsson. Rúmu árið síðar var báturinn seldur til Stykkishólms.
Þar fékk hann nafnið Gísli Gunnarsson II SH 85, eigendur Eggert Björnsson og Ásgeir Árnason. Það var svo í ársbyrjun 1987 að báturinn fékk einkennisstafina SH 285 og um haustið það ár var hann tekinn af skipaskrá. Heimild: Íslensk skip
Með því að smella á myndirnar er hægt að skoða þær í hærri upplausn.
By clicking on the images you can view them in higher resolution
Skipamyndir Hafþórs Hreiðarssonar 