Skinney SF 20 kom til Grindavíkur í dag

*2732. Skinney SF 20*. Ljósmynd Jón Steinar 2020.

Skinney SF 20 kom til löndunar í Grindavík í dag en hún er á humarveiðum sem ganga tregla nú sem síðustu ár.

Skinney, var líkt og systurskipið Þórir SF 77, smíðuð hjá Ching Fu Shipbuilding co.,LTD skipasmíðastöðinni í Taiwan árið 2008 fyrir Skinney-Þinganes hf. á Höfn í Hornafirði.

Þau komu til landsins vorið 2019 eftir umfansmiklar breytingar í Póllandi sem m.a fólust í um 10 metra lengingu.

*2732. Skinney SF 20. Ljósmyndir Jón Steinar 2020.*

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Sibba BA 65

Strandveiðibáturinn Sibba BA 65, sem á þessu myndum sést koma til hafnar á Patreksfirði á dögunum, hét upphaflega Blær NK 3.

Blær var smíðaður hjá Bátasmiðju Guðmundar í Hafnarfirði árið 2004 og er af gerðinni Sómi 695.

Báturinn var seldur vestur í Stykkishólm í lok árs 2005 þar sem hann fékk nafnið Hanna SH 28. Seint á árinu 2010 var báturinn seldur til Ólafsvíkur þar sem hann fékk nafnið Aðalheiður SH 319.

Það var svo í vor sem báturinn fékk núverandi nafn en hafði verið skráður sem Aðalheiður BA 65 um nokkurra mánaða skeið.

Það er Helgi Rúnar Auðunsson sem á og gerir Sibbu út en heimahöfn hennar er Patreksfjörður.

*2584. Sibba BA 65 ex Aðalheiður BA 319. Ljósmyndir Hafþór Hreiðarsson 2020.*

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution.

35 ár á milli mynda

233. Skírnir AK 16 ex Akureyr RE 6. – Erling KE 140 ex Óli á Stað GK 4. Ljósmyndir Hafþór Hreiðarsson 1985-2020.

Það eru 35 ár á milli þessara mynda af sama bátnum ef minni ljósmyndara svíkur ekki.

Sú tv. tekin haustið 1985 af Skírni AK 16 en hin í fyrradag þegar Erling KE 140 kom til hafnar á Húsavík.

Báturinn var smíðaður í Noregi 1964 og hét upphaflega Akurey RE 6. Síðar Skírnir AK 16, Barðinn GK 375, GK 187 og GK 12, Júlli Dan GK 197, ÞH 364 og ÍS 19. Óli á Stað GK 4 og loks Erling KE 140.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution.

Haki tók á móti Dettifossi

Dráttarbátur Faxaflóahafna, Haki, lék stórt hlutverk þegar komu nýs Dettifoss var fagnað í vikunni.

Hann sigldi heiðurssiglingu á undan hinu nýja skipi og myndaði stóran og fallegan vatnsboga með slökkvibyssum sínum.

Haki var smíðaður 2006 hjá Damen Shipyard Group í Hollandi og er 22,6 metrar að lengd og 8,4 metra breiður.

*2686. Haki. Ljósmyndir Jón Steinar 2020.*

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution