Von ÍS 213

2733. Von ÍS 213 ex Von GK 113. Ljósmynd Jón Steinar 2020.

Línubáturinn Von ÍS 213 frá Súgandafirði hefur róið frá Grindavík að undanförnu og náði Jón Steinar að mynda hana í gær.

Það er Norðureyri ehf. á Suðureyri sem gerir bátinn út en hann hét áður Von GK 113. Von var keypt til þess að leysa tímabundið vanda útgerðarinnar sem skapaðist þegar bátur hennar, Einar Guðnason ÍS 303, strandaði og eyðilagðist við Gölt í nóvember síðastliðnum.

Norðureyri samdi í lok síðasta árs við Trefjar í Hafnarfirði um smíði á nýjum Cleopatra 40B beitningarvélarbáti og er ráðgert að hann verði tilbúinn fyrir lok ársins.

Von var smíðuð hjá Trefjum í Hafnarfirði árið 2007 og er af gerðinni Cleopatra 38.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Kolbeinn Hugi ÞH 376

7433. Kolbeinn Hugi ÞH 376 ex Bergur Pálsson ÞH 376. Ljósmynd Hafþór Hreiðarsson 2006.

Kolbeinn Hugi ÞH 376 sést hér á mynd koma til hafnar á Dalvík í marsmánuði árið 2006.

Báturinn hét upphaflega Bergur Pálsson ÞH 376 frá Raufarhöfn og var smíðaður hjá Trefjum í Hafnarfirði árið 1995. Báturinn, sem er af gerðinni Skel 86, fékk nafnið Kolbeinn Hugi árið 1999 en var áfram ÞH 376. Eigandi var Guðmundur G. Lúðvíksson frá Raufarhöfn sem gerði bátinn út frá Dalvík þegar myndin var tekin.

Síðla árs 2007 fékk báturinn nafnið Sindri BA 24 eftir að hann var seldur til Patreksfjarðar þar sem hann er enn þann dag í dag.

Með því að smella á myndina er hægt að skoða hana í hærri upplausn.

By clicking on the images you can view them in higher resolution