Sindri GK 42

1213. Sindri GK 42 ex Sindri GK 421. Ljósmynd Hafþór Hreiðarsson.

Sindri Gk 42 sem hér sést koma að landi í Grindavík um árið hét upphaflega Heimaey VE 1. Smíðuð fyrir Sigurð Georgsson skipstjóra og Hraðfrystistöð Vestmannaeyja hf. árið 1972.

Sindri, sem smíðaður var í Slippstöðinni á Akureyri, var með heimahöfn í Garðinum.

Báturinn, sem upphaflega var 105 brl. að stærð, var lengdur árið 1973 og mældist þá 126 brl. að stærð. Árið 1976 var Hraðfrystistöð Vestmannaeyja einni eigandi bátsins og árið 1979 var hann styttur og yfirbyggður og mældist þá 112 brl. að stærð.

Heimaey VE 1 var seld Útgerðarfélaginu Barðanum h/f í Kópavogi árið 1981 og fékk hann nafnið Náttfari RE 75. Hann var svo seldur aftur til Eyja og nefndur Sigurfari VE 138, eigendur Bjarni Sighvatsson og Haraldur Gíslason. 1985 kemst báturinn aftur í eigu Hraðfrystistöðvar Vestmannaeyja hf. og nefndur Stefnir VE 125.

Eftir það hét hann Þröstur GK 101, Þröstur GK 211, Þröstur RE 211, Látravík BA 66, Hafsúlan HF 77, Jói Bjarna SF 16, Sindri GK 421, Sindri GK 42 og loks Sindri SF 26.

Upphaflega var sett í bátinn 649 hestafla MWM aðalvél og var hún í honum alla tíð. Á einhverjum tímapunkti var afturendanum slegið út eins og sjá má á myndunum.

Báturinn var afskráður árið 2007 og fór erlendis í brotajárn.

1213. Sindri GK 42 ex Sindri GK 421. Ljósmynd Hafþór Hreiðarsson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Birna GK 154

2099. Birna GK 154 ex Íslandsbersi HU 113. Ljósmynd Jón Steinar Sæmundsson 2020.

Birna GK 130 er á strandveiðum og hefur landað í Sandgerði þar sem Jón Steinar tók þessa mynd á dögunum.

Birna GK 154, sem gerð er út af Sæstjörnunni ehf., hét upphaflega og lengst af Íslandbersi HF 13. Báturinn var smíðaður á Skagaströnd árið 1990. Síðustu árin hefur hann verið HU 113 en í fyrra fékk hann nafnið Birna GK 154.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Meira af Sturlu

Tekið við endanum er Sturla GK 12 kom til heimahafnar í Grindavík. Ljósmynd Guðmundur St. Valdimarsson 2020.

Hér koma fleiri myndir frá komu togskipsins Sturlu GK 12 til nýrrar heimahafnar í Grindavík í gær. Myndirnar tók Guðmundur St. Valdimarsson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution