Svala ÞH 55

7230. Svala ÞH 55 ex Svala EA 5. Ljósmynd Hafþór Hreiðarsson 2020.

Handfærabáturinn Svala ÞH 55 kom til Húsavíkur í gærkveldi og þá var þessi mynd tekin.

Svala ÞH 55 var smíðuð hjá Trefjum í Hafnarfirði árið 1990 og hét upphaflega Kría HF 96. Fjórum árum síðar var báturinn kominn til Bakkafjarðar þar sem hann fékk nafnið Hjálmar NS 55. Til Húsavíkur kom báturinn árið 2009 og hélt Hjálmarsnafninu en varð ÞH 5.

Ekki stoppaði hann lengi á Húsavík og 2009 fékk hann nafnið Blær HU 77 með heimahöfn á Skagaströnd. Þangað fór hann í skiptum fyrir stærri bát en það var Ásgeir Hólm Agnarsson sem gerði bátinn út frá Húsavík.

Frá árinu 2011 hefur hann heitið Bibba HU 170, Arnór Sigurðsson ÍS 200, Svanni ÍS 170, Svala ÓF 17, Svala EA 5 og nú í vor varð hannn ÞH 55 með heimahöfn á Raufarhöfn. Eigandi Möðruvellir ehf. en að því fyrirtæki stendur Steingrímur Friðriksson á Akueyri.

Læt eina mynd fylgja með frá því báturinn hét Hjálmar ÞH 5 en hún var tekin á Kópaskeri í apríl 2009.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Gísl lóðs GK 130

62. Gísli lóðs GK 130. Ljósmynd Margeir Margeirsson 1963.

Gísli lóðs GK 130 er hér að ljúka við að háfa úr síldarnótinni en myndina tók Margeir Margeirsson árið 1963.

Gísli lóðs GK 130 var smíðaðurárið 1961 í Danmörku fyrir Jón Gíslason útgerðarmann í Hafnarfirði.

Í Morgunblaðinu 1. desember 1961 sagði svo frá komu Gísla lóðs til heimahafnar í Hafnarfirði:

Fyrir síðustu helgi kom hingað nýr bátur, sem Jón Gíslason á. Heitir hann Gísli lóðs, eftir föður Jóns, sem var hér hafnsögumaður og vitavörður um 30 ára skeið. 

Báturinn, sem smíðaður er í Fredriksund í Danmörku er 100 rúmlestir og var byrjað á smíði hans í febrúar s.l. Hann hefir 460 hestafla Alfa-diesel vél og 30 afla ljósavél af Bukhgerð. 

Þá eru í honum öll nýtízku siglingatæki, svo sem Kelvin ratsjá, Zimrad Asdic siglingatæki, dýptarmælir og talstöð af sömu gerð. Ljósmiðunarstöð er japönsk og sjálfstýrisvél Robertson.

Gísli lóðs er hið prýðilegasta sjóskip, að því er skipstjórinn Helgi Aðalgeirsson frá Grindavík sagði blaðinu. Hann kvað allan frágang með ágætum og káetaog klefar skipsmanna væru rúmgóðir. Hvalbakurinn og brúin eru úr aluminíum. 

Báturinn er hitaður upp með rafmagni og eldavélin er frá Rafha. Hann er með kraftblökk og sagði Helgi að hann gæti rúmað 1200—1300 tn. síldar, en á þær veiðar fer hannum helgina. — Helgi var áður með Faxaborgina. 

Svo mörg voru þau orð en báturinn átti eftir að heita ýmsum nöfnum, s.s Hringur GK 18, Ásgeir Torfason ÍS 96, Dalaröst ÁR 63 og Jón Bjarnason SF 3, Hafbjörg EA 23, Dóri á Býja GK 101 og að lokum Íslandía GK 101.

Hann á að hafa verið seldur til Danmerkur á tíunda tug síðustu aldar en aldrei komist lengra en til Runavíkur í Færeyjum þar sem hann dagaði upp. Tekinn af skrá upp úr aldarmótunum.

Með því að smella á myndina er hægt að skoða hana í hærri upplausn.

By clicking on the images you can view them in higher resolution