Ísey ÞH 375

7467. Ísey ÞH 375 ex Vinur BA 166. Ljósmynd Hafþór Hreiðarsson 2020.

Þegar ég átti leið um hafnarsvæðið á Raufarhöfn í gær var verið að setja handfærabátinn Ísey ÞH 375 á flot og útbúa hann til strandveiða.

Það er Uggi útgerðarfélag ehf. sem gerir bátinn út en að því fyrirtæki, sem einnig gerir Gunnþór ÞH 75 út, stendur Snorri Sturluson.

Báturinn, sem er af gerðinni Skel 86, hét upphaflega IndriðiKristins BA 751 frá Tálknafirði. Hann var smíðaður hjá Trefjum ehf. í Hafnarfirði árið 1997.

Árið 2008 fékk báturinn, sem smíðaður var fyrir Miðvík ehf. á Tálknafirði, nafnið Vinur BA 166. Það var svo árið 2009 sem hann var keyptur til Raufarhafnar þar sem hann fékk nafnið Ísey ÞH 375.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Hörður Björnsson ÞH 260

264. Hörður Björnsson ÞH 260 ex Gullhólmi SH 201. Ljósmynd Hafþór Hreiðarsson 2020.

Línuskipið Hörður Björnsson ÞH 260 landaði um 50 tonnum á Raufarhöfn í gær og voru meðfylgjandi myndir teknar þegar hann lét úr höfn um kaffileytið.

Það er GPG Seafood ehf. sem á og gerir Hörð Björnsson út og er hann með heimahöfn á Raufarhöfn.

Upphaflega hét skipið Þórður Jónasson, fyrst RE 350 en lengst af EA 350. Smíðaður í Noregi 1964.

GPG Seafood ehf. keypti hann frá Stykkishólmi árið 2015 en þar hét hann Gullhólmi SH 201.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution