Lyngey SF 61

1246. Lyngey SF 61 ex Fylkir NK 102. Ljósmynd Hafþór Hreiðarsson.

Lyngey SF 61 hét upphaflega Fylkir NK 102 og var smíðuð í Vélsmiðju Seyðisfjarðar hf. árið 1972 fyrir Drift hf. á Neskaupstað.

Báturinn, sem upphaflega var 92 brl. að stærð var seldur til Hafnar í Hornafirði árið 1978 og fékk þá nafnið Lyngey SF 61.

Frá Höfn var báturinn gerður út til ársins 1989 er hann var seldur til Ólafsvíkur þar sem hann fékk nafnið Tungufell SH 31. Vorið 1992 var Tungufellið selt innan bæjar í Ólafsvík og fékk nafnið Egill SH 195.

Egill SH 195 hefur verið lengdur yfirbyggður og skipt um brú og mælist hann 99 brl. að stærð í dag. Eigandi Litlalón ehf. í Ólafsvík.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Óli G GK 50

2657. Óli G GK 50 ex Elín BA 58. Ljósmynd Jón Steinar Sæmundsson 2020.

Jón Steinar myndaði Óla G GK 50 koma til hafnar í Grindavík í gær en báturinn er í eigu Stellar Seafood ehf. í Sandgerði.

Báturinn hét upphaflega Særif SH 25 og var smíðaður hjá Trefjum árið 2005. Eigandi Melnes ehf. á Rifi.

Árið 2015 fékk báturinn nafnið Sæbliki SH 32 en þá hafði útgerðin fengið nýtt Særif SH 25.

Sumarið 2018 fær báturinn nafnið Elín BA 58 sem hann bar í rúmt ár áður en hann fékk núverandi nafn, Óli G GK 50.

Með því að smella á myndina er hægt að skoða hana í hærri upplausn.

By clicking on the images you can view them in higher resolution