Hér koma nokkar myndir af Geira Péturs ÞH 344 en þessi var annar í röðinni af fimm skipum sem báru þetta nafn.

Sigurður V. Olgeirsson föðurbróðir minn var jafnan kenndur við Geira Péturs en hann hefði orðið 78 í dag. Hann lést 15. október árið 2005 og því er upplagt að birta einhverjar myndir sem tengjast honum og minnast hans um leið.

Þarna vorum við að koma í land eftir stuttan og snarpan túr á fiskitrolli þar sem báturinn var fylltur eins og oft var raunin á. Ég hoppaði í land til að festa bátinn á filmu en þetta var sumarmorgunn og þokuslæðingur í Kinnafjöllunum.

Báturinn var smíðaður í Noregi árið 1984 og hét upphaflega Rosvik en Korri hf. á Húsavík keypti hann til landsins sumarið 1987. Hann var seldur aftur til Noregs árið 1996 þar sem hann fékk nafnið Lysnes. Hann er farinn í brotajárn fyrir einhverjum árum síðan. Báturinn var 182 brl. að stærð.

• 

• 

• 

• 

• 

• 

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Línubáturinn Straumey EA 50 kemur hér inn til Grindavíkur í gær svona yfirbyggð og fín en það var gert í Bátasmiðjunni Sólplasti á síðasta ári.

Straumey EA 50 hét upphaflega Friðfinnur ÍS 105 og var afhentur frá Trefjum samnefndu útgerðarfyrirtæki á Flateyri í janúarmánuði árið 2006.

Bátuirnn, sem er af gerðinni Cleopatra 38, var seldur til Dalvíkur árið 2007 þar sem hann fékk nafnið Bliki EA 12. EA 12 var hann til ársins 2011 að hann varð EA 30 og síðan 2012 ÍS 203.

Straumeyjarnafnið fékk báturinn árið síðla árs 2018 og hefur verið ÍS 203, HF 200 og EA 50. Eigandi Friðfinnur ehf. og heimahöfn í Hrísey.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution