Eli Knutsen í slipp á Spáni

IMO 9409261. Eli Knutsen. Ljósmynd Hafþór Hreiðarsson 2019.

Efnaflutningaskipið Eli Knutsen er hér í slipp, eða kví, í Teis sem er rétt innan Vigoborgar við Vigoflóann á Spáni.

Eli Knutsen, sem var smíðað árið 2009 í Kína, siglir undir fána Möltu og heimahöfn þess Valletta.

Skipið er 144 metrar að lengd, 24 metra breitt og mælist 11,889 GT að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Jói á Nesi SH 159

472. Jói á Nesi SH 159 ex Stefán Kristjánsson SH 184. Ljósmynd Hreiðar Olgeirsson.

Jói á Nesi SH 159 var smíðaður árið 1946 í Skipasmíðastöð Hafnarfjarðar hf. og hét upphaflega Guðbjörg GK 6.

Guðbjörg GK 6 var 58 brl. að stærð og smíðuð fyrir Hlutafélagið Björg í Hafnarfirði. Að því félagi stóðu Bæjarútgerð Hafnafjarðar, Bátafélag Hafnafjarðar, Hafnafjarðarbær og nokkrir einstaklingar.

Bátafélag Hafnarfjarðar eignaðist bátinn 1961 en 1973 er hann seldur Brúnum h/f í Ólafsvík og fær nafnið Stefán Kristjánsson SH 183.

Seint á árinu 1978 kaupa Pétur F. Karlsson, Sigurður P. Jónsson og Finnur Pétursson í Ólafsvík bátinn sem fær nafnið Jói á Nesi SH 159.

Þegar nýr Jói á Nesi SH 159 kom frá Póllandi 1988 var sá gamli seldur til Tálknafjarðar þar sem hann fékk nafnið Rán BA 57.

Rán BA 57 var keypt til Grenivíkur árið 1990 og í framhaldinu kaupur Flóki hf. á Húsavík bátinn sem 1991 fær nafnið Guðrún Björg ÞH60. Húsavík.  Guðrún Björg var ÞH 59 um tíma eftir að ný Guðrún Björg ÞH 60 leysti hana af hólmi en frá árinu 1995 hét hann Haftindur HF 123.

Árið 2003 fékk hann nafnið Kofri ÍS 41 og frá árinu 2004 hét hann Gæskur RE og var skráður sem skemmtibátur. Gæskur var tekinn af skipaskrá í lok árs 2010 en sumarið áður hafði hann sokkið í Reykjavíkurhöfn.

Heimildir: Íslensk skip, aba.is

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Þeir sem áhuga hafa á dagatali Skipamynda 2020 geta pantað sér eintak á korri@internet.is – Verðið er 3300 kr.