Þórunn Havsteen ÞH 40 á Flæmska

1462. Þórunn Havsteen ÞH 40 ex Júlíus Havsteen ÞH 40. Ljósmynd Ómar Örn Jónsson.

Það er alltaf gaman að fá pakka og verra ef þeir innihalda skipa- eða bátamyndir eins og sá sem Ómar Örn Jónsson sendi mér í dag.

Ómar Örn var skipverji á Þórunni Havsteen ÞH 40 og eru þesar myndir úr fyrsta túr togarans á Flæmska hattinn. Skipstjóri Hinrik heitinn Þórarinsson.

Togarinn hét upphaflega Júlíus Havsteen ÞH 1 en í lok árs 1995 fékk hann þetta nafn sem hann ber á myndunum. Þá hafði nýr Júlíus Havsteen leyst þennan af hólmi og Guðmundur Eiríksson útgm. keypt hann og nefnt eftir sýslumannsfrúnni.

Togarinn var smíðaður hjá Þorgeir og Ellert hf. á Akranesi 1976. Hann var 285 brl. að stærð búinn 990 hestafla MAK aðalvél. Lengd hans var 36,80 metrar og breiddin 8 metrar.

Togarinn var seldur til Noregs 1999 þar sem hann fékk nafnið Bergstrål og síðar Solheimfisk. Seldur til Möltu þar sem hann fékk nafnið Sunfish.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Þeir sem áhuga hafa á dagatali Skipamynda 2020 geta pantað sér eintak á korri@internet.is – Verðið er 3300 kr.

Hólmanes SU 1

1346. Hólmanes SU 1. Ljósmynd Hafþór Hreiðarsson 2004.

Hér er Hólmanes SU 1 að koma til hafnar á Húsavík snemma árs 2004 og var togarinn á leið í slipp, sennilega til Akureyrar. Til baka kom hann sem Húsey ÞH 382.

Hólmanesið var smíðað á Spáni og kom til heimahafnar á Eskifirði 7. febrúar það árið 1974. Skipið var 451 brl. að stærð. Lengd þess var 47,55 metrar og breiddin 9,50 metrar. Skipið var búið 1700 hestafla MAN aðalvél.

Í 6. tbl. Ægis það ár sagði m.a svo:

7. febrúar s.l. kom skuttogarinn Hólmanes SU 1 til heimahafnar sinnar, Eskifjarðar, í fyrsta sinn. Hólmanes SU er sá 1. í röðinni af 5 skuttogurum af minni gerð (undir 500 brl.) sem smíðaðir eru á Spáni fyrir íslendinga.

Þessir skuttogarar eru allir smíðaðir eftir sömu teikningu, en alls eru það fjórar skipasmíðastöðvar, sem smíða ofangreind skip. Hólmanes er smíðað hjá skipasmíðastöðinni Construcciones Navales P. Freire S. A. Vigo og er smíðanúmer 80 hjá stöðinni.

Skipið e r í eigu Hólma h. f., Eskifirði, en aðalhluthafar fyrirtækisins eru Hraðfrystihús Eskifjarðar h.f. og Kaupfélag Héraðsbúa, Reyðarfirði.

Hólmanes SU 1 var í eigu Hólma hf. til ársins 1997 en þá er skráður eigandi Hraðfrystihús Eskifjarðar hf. á Eskifirði. Árið 2003 er eigandi Eskja hf. á Eskifirði en í ársbyrun 2004 er Íshaf hf. á Húsavík orðinn eigandi togarans. Hann fékk nafnið Húsey ÞH 382 sem hann bar þangað til sumarið 2005 þegar honum var siglt til Danmerkur í bortajárn.

Hér koma nokkrar myndir af togaranum og þá sem sýnir hann á toginu tók Olgeir Sigurðsson.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Þeir sem áhuga hafa á dagatali Skipamynda 2020 geta pantað sér eintak á korri@internet.is – Verðið er 3300 kr.