Sveinn Benediktsson SU 77

2329. Sveinn Benediktsson SU 77 ex Talbor. Ljósmynd Pétur Helgi Pétirsson.

Sveinn Benediktsson SU 77 hét áður Talbor og var keyptur til landsins af SR Mjöl hf. árið 1999.

Skipið var smíðað í Noregi árið 1990 og er 56 metra langt og 11 metra breitt, alls 1.230 brúttólestir. Hét upphaflega Torson.

Hét síðan Guðmundur Ólafur ÓF 91 og Birtingur NK 119 áður en hann var seldur aftur til Noregs árið 2009. Þar fékk hann nafnið Magnarson en síðar um árið seldur til Færeyja þar sem hann fékk nafnið Atlantsfarid VG 218.

Árið 2016 fékk það nafnið Norðhavið en ber í dag nafnið Cap Blanc CUR-135. Er í eigu Færeyinga en leigður hollensku fyrirtæki. Skráð í Willemstad á Curacao sem heyrir undir Holland.

Með því að smella á myndina er hægt að skoða hana í hærri upplausn.

Gadus Njord N-125-VV

Gadus Njord N-125-VV. Ljósmynd Eiríkur Sigurðsson 2017.

Hér koma tvær myndir af norska skuttogaranum Gadus Njord sem Eiríkur Sigurðsson skipstjóri á Reval Viking tók.

Það er útgerðin Havfisk í Noregi sem á Gadus Njord en á árunum 2013 og 2014 fékk fyrirtækið afhenta þrjá nýja togara eftir sömu teikningu, Gadus Poseidon, Gadus Njord og Gadus Neptun.

Gadus Njord og systurskipin tvö eru 69,8 metra löng og 15,6 metra breið.

Gadus Njord N-125-VV. Ljósmynd Eiríkur Sigurðsson 2018.

Með því að smella á myndirnar er hægt að skoða þær í hærri upplausn.