Áskell Egilsson

1414. Áskell Egilsson ex Ási ÞH 3. Ljósmynd Hafþór Hreiðarsson 2017.

Áskell Egillsson á siglingu á Eyjafirði sumarið 2017. Upphaflega Vöttur SU 3 smíðaður í Bátasmiðjunni Vör hf. á Akureyri 1975.

Vöttur SU 3 hét síðar Vinur EA 80, Aðalbjörg II RE 236, Gulltoppur ÁR 321, Haförn ÞH 26, loks Ási ÞH 3.

Árið 2017 fær hann nafnið Áskell Egilsson eftir að hafa verið gerður upp til siglinga með ferðamenn. Eigandi er Halldór Áskelsson ehf. á Akureyri.

1414. Áskell Egilsson ex Ási ÞH 3. Ljósmynd Hafþór Hreiðarsson 2017.

Með því að smella á myndirnar er hægt að skoða þær í hærri upplausn.

Anna EA 305

2870. Anna EA 305 ex Carisma Star. Ljósmynd Hafþór Hreiðarsson 2016.

Línuskipið Anna EA 305 siglir hér inn til Hafnarfjarðar vorið 2016.

Anna EA 305 er gerð út af Útgerðarfélagi Akureyringa ehf. en hún var keypt hingað til lands árið 2013.

Anna var smíðuð í Noregi árið 2001 og hét áður Carisma Star. Hún er 52. metrar að lengd, 11 metra breið og mælist 1.457 BT að stærð.

Með því að smella á myndina er hægt að skoða hana í hærri upplausn.