Guðrún Björg ÞH 60

462. Guðrún Björg ÞH 60 ex Geir ÞH 150. Ljósmynd Hafþór Hreiðarsson 1994.

Ef ég man rétt voru þessar myndir teknar þegar Guðrún Björg ÞH 60 kom til heimahafnar á Húsavík í fyrsta skipti. Það ku hafa verið vorið 1994.

Flóki ehf. keypti bátinn frá Þórshöfn þar sem hann hét Geir ÞH 150 en upphaflega hét hann Glófaxi NK 54. Smíðaður í Danmörku árið 1955 fyrir Sveinbjörn Á. Sveinsson á Neskaupsstað.

Hann átti bátinn til ársins 1969 en í desember það ár keypti Eskey h/f á Hornafirði bátinn og nefndi Eskey SF 54.

Haustið 1982 fær báturinn nafnið Geir ÞH 150 þegar hann var keyptur til Þórshafnar. Þar var hann til ársins 1994 er hann var keyptur af Flóka ehf. til Húsavíkur.

Haustið 1999 keypti Flóki ehf. Dalaröst ÁR 63 af Árnesi hf. og gekk Guðrún Björg upp í kaupin.

Báturinn hét eftir það Guðrún Björg BA 31, Eyjanes GK 131 og síðasta nafn Brokey BA 336.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Baldvin Njálsson GK 400

2182. Baldvin Njálsson GK 400 ex Rán HF 4. Ljósmynd Vigfús Markússon.

Frystitogarinn Baldvin Njálsson GK 400 er í eigu Nesfisks í Garðinum og hefur verið svo frá árinu 2005.

Togarinn var smíðaður í Vigó á Spáni 1990 (1991 segir sum staðar) fyrir Norðmenn og hét upphaflega Grinnøy. Keyptur til Seyðisfjarðar 1992 og kom fyrst til nýrrar heimahafnar 25. ágúst. Togarinn fékk nafnið Ottó Wathne NS 90 og var í eigu samnefnds fyrirtækis. 

Stálskip í Hafnarfirði kaupir togarann snemma árs 1994 og fær hann þá nafnið Rán HF 42. 2005 fær hann svo núverandi nafn þegar Nesfiskur í Garði kaupir togarann.

Eins og kunnugt er þá á Nesfiskur í Garði nýjan Baldvin Njálsson í smíðum í skipasmíðastöðinni Armon í Vigo á Spáni.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution