Hrímbakur í slipp

1472. Hrímbakur EA 306 ex Bjarni Herjólfsson ÁR 200. Ljósmynd Hafþór Hreiðarsson.

ÚA togarinn Hrímbakur EA 306 er hér í slipp á Akureyri um árið en hann hét upphaflega Bjarni Herjólfsson ÁR 200 og var smíðaður í Póllandi árið 1977.

Hrímbakur EA 306 var 488 brl. að stærð búinn 2200 hestafla Sulser aðalvél.

Útgerðarfélag Akureyringa hf. keypti togarann árið 1985 og nefndi hann Hrímbak EA 306. Snemma árs 1996 keypti Guðmundur Runólfsson hf. í Grundarfirði togarann og nefndi Hring SH 535.

Árið 2006 er hann kominn með nafnið Hólmberg SH 535 samkvæmt vef Fiskistofu og það sama ár var hann seldur úr landi. Nánar tiltekið til Namibíu en togarinn fór í brotajárn árið 2015.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Hafaldan EA 190

2326. Hafaldan EA 190 ex Konráð eldri EA 190. Ljósmynd Vigfús Markússon.

Hafaldan EA 190 úr Grímsey hét upphaflega Hópsnes GK 118 og var smíðuð árið 1998 fyrir Stakkavík í Grindavík.

Smíðin fór fram í Bátagerðinni Samtak í Hafnarfirði en báturinn var af gerðinni Víkingur 800.

Í dag er eigandi hans og útgerðaraðili AGS ehf. en áður var eigandi Sigurbjörn ehf. sem keypti bátinn til Grímseyjar árið 1999. Þá fékk hann nafnið Konráð EA 90 en þegar nýr Konráð var keyptur haustið 2012 fékk þessi nafnið Konráð eldri EA 190 um tíma.

Í ársbyrjun 2013 fékk báturinn nafnið Hafaldan EA 190 sem hann ber enn þann dag í dag. Báturinn var lengdur árið 2004 og um leið skipt um vél. Hann mælist 10,95 metrar að lengd og 10,31 BT að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution