Núpur ÞH 3

Núpur ÞH 3 siglir hér inn með slippkantinum á Akureyri um árið. Dalborg, Hegranes og Nökkvi í bakgrunni.

Núpur ÞH 3 var í eigu Kaldbaks hf. á Grenivík um nokkurra ára skeið á níunda áratugnum var smíðaður hjá skipasmíðastöðinni Szczecinska Stocznic Remontowa í Póllandi árið 1976 fyrir Færeyinginn J.F. Kjolbro. Núpur var eitt af níu línuveiðiskipum sem Færeyingar létu smíða fyrir sig á árunum 1976 til 1978 í Póllandi.

Núpur var 33,69 metrar að lengd og 7,60 metra breiður og mældist 182 brl. að stærð.

Skipið sem alla tíð hefur borið sama nafn var flutt inn í júní árið 1981 frá Færeyjum af Skildi hf. á Paterksfirði. Þórsberg hf. á Tálknafirði eignaðist Núp í júlí 1982, Kaldbakur hf. í Grenivík keypti hann í nóvember 1983 og Þór hf. á Eskifirði 1989.

Núpur er í dag BA 69 og í eigu Odda hf. á Patreksfirði sem keypti hann árið 1990.

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution

Þeir sem áhuga hafa á dagatali Skipamynda 2020 geta pantað sér eintak á korri@internet.is – Verðið er 3300 kr.