Breki VE fiskaði nær 7.800 tonn á fyrsta útgerðarárinu sínu

2861. Breki VE 61. Ljósmynd Hólmgeir Austfjörð 2019.

Breki VE 61 fór í fyrsta sinn til veiða frá Vestmannaeyjum þann 24. júlí 2018 og áhöfnin og togarinn héldu upp á ársafmælið með því að koma til hafnar að morgni 24. júlí sl. með fullfermi, enn einu sinni.

Frá þessu segir á heimasíðu Vinnslustöðvarinnar og þar kemur jafnframt fram að á þessu fyrsta ári hafi Breki fiskað tæplega 7.800 tonn. Aflaverðmætið er liðlega 1,5 milljarðar króna. Uppistaðan í aflanum er þorskur, ýsa, ufsi og karfi.

Við blasir að Breki fer yfir 8.000 tonna markið á fiskveiðiárinu. Útgerð skipsins er afar farsæl og mjög hagkvæm. Skipið var hannað með mun stærri skrúfu en gengur og gerist. Hönnuðir töluðu um að þannig mætti fá mun meira afl með mun minni orku, jafnvel svo að olíunotkun minnkaði um tugi prósenta. Þetta hefur gengið eftir en ég ætla að bíða með að nefna tölur þar að lútandi fyrr en eftir að hafa kannað málið betur að fiskiveiðiárinu loknu,“ segir Sigurgeir B. Kristgeirsson, framkvæmdastjóri Vinnslustöðvarinnar á heimasíðu Vinnslustöðvarinnar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Halla Daníelsdóttir RE 770

2728. Halla Daníelsdóttir RE 770 ex Hringur GK 18. Ljósmynd Jón Steinar 2019.

Makrílveiðibáturinn Halla Daníelsdóttir RE 770 kom til Grindavíkur í gærkveldi og þá tók Jón Steinar þessa mynd.

Halla Danílesdóttir RE 770 er af gerðinni Seigur 1120 og var smíðaður á Siglufirði árið 2006. Upphaflega hét báturinn Hringur GK 18.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.