Garðar

260. Garðar ex Sveinbjörn Jakobsson SH 10. Ljósmynd Hafþór Hreiðarsson 2021.

Norðursiglingarbáturinn Garðar kemur hér úr hvalaskoðunarferð eftir hádegi í dag en renniblíða var á Skjálfandaflóa.

Garðar hét upphaflega og lengst af Sveinbjörn Jakobsson SH 10 frá Ólafsvík. Smíðaður fyrir Útgerðarfélagið Dverg hf. í Esbjerg í Danmörku árið 1964.

Norðursigling ehf. á Húsavík keypti bátinn haustið 2006 og gerði upp til siglinga með ferðamenn. Hann hóf siglingar sumarið 2009.

Lengd hans er 28 metrar, breiddin 6,43 metrar og mælist hann 109 BT að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Breytingar á skipastól Síldarvinnslunnar

2677. Bergur VE 44 ex Brodd 1. Ljósmynd Þór Jónsson 2021.

Bergur ehf. í Vestmannaeyjum hefur samþykkt sölu á Berg VE 44 til Vísis í Grindavík. Skipið verður afhent nýjum eigendum í ágúst á þessu ári. 

Í tilkynningu á vef Síldarvinnslunnar kemur fram að Bergur er með tæplega 1600 þorskígildi, en skipið er selt án aflaheimilda. Bergur ehf. mun í kjölfarið kaupa Bergey VE 144 af móðurfélagi sínu Bergi Hugin ehf.

Er um að ræða hagræðingaraðgerðir til að auka nýtingu skipa félagsins. Þess skal getið að skerðingar Síldarvinnslusamstæðunnar námu um 1500 tonnum í bolfiski fyrir komandi fiskveiðiár.

Dótturfélag Síldarvinnslunnar, Runólfur Hallfreðsson ehf., hefur einnig gengið frá sölu á uppsjávarskipinu Bjarna Ólafssyni AK 70 til erlendra aðila. Salan er þó háð ákveðnum fyrirvörum af hálfu kaupenda sem munu skýrast innan mánaðar.

Ef af verður mun skipið verða afhent nýjum eigendum á haustmánuðum. Eins og kunnugt er tók Síldarvinnslan á móti nýju skipi í júníbyrjun sem fékk nafnið Börkur. Í kjölfarið mun eldri Börkur fá nafnið Bjarni Ólafsson AK 70 og munu áhöfn og aflaheimildir þá flytjast á milli.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Tímamót í lífi manns

Gísli V. Jónsson á brúarvængnum á Páli Jónssyni GK.Ljósmynd Jón Steinar Sæmundsson 2021.

Í gær sigldi Gísli V. Jónsson skipi sínu, Páli Jónssyni GK 7, í síðasta sinn til hafnar í heimahöfn í Grindavík.

Jón Steinar var með myndavélina á lofti og tók meðfylgjandi myndir af Páli Jónssyni GK 7 sem og kallinum en á síðus sína Báta og bryggjubrölt skrifaði hann;

Gísli hefur verið verið til sjós frá árinu 1966, samtals 55 ár og þar af 48 ár sem skipstjóri og Báta og bryggjubrölt var á staðnum og myndaði þennan merkis viðburð.

Skipsstjóraferill Gísla hjá Vísi hf spannar 25 ár fyrst með Frey GK, sem hann hafði átt sjálf­ur og gert út. Tók svo við Páli Jóns­syni, og fór í fyrsta túr 11. sept­em­ber 2001, þann eft­ir­minni­lega dag þegar árás­irn­ar voru gerðar á tví­bura­t­urn­ana í New York.

Á þeim 19 árum sem hann var með bát­inn fiskuðust alls um 60 þúsund tonn á hann sem er ansi gott. Á nýja Páli hef­ur líka gengið ljóm­andi vel.Gísli kveðst að þessum kafla loknum ætla snúa sér að ferðalögum og njóta lífsins, þar sem heilsan sé góð og lífskrafturinn enn til staðar.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Ronja Tind á Húsavík

IMO 9743801. Ronja Tind ex Oytind.Ljósmynd Hafþór Hreiðarsson 2021.

Brunnskipið Ronja Tind er á Húsavík í dag að taka seiði frá Rifósi og flytja austur á firði. Donnalaks var hér sömu erinda um helgina.

Ronja Tind var smíðuð í Aas-skipasmíðastöðinni í Vestnes, Noregi árið 2015 og hét upphaflega Oytind.

Ronja Tind er 70 metra langt og 12 metra breitt.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Hathor kom með drumba

IMO 9373280. Hathor. Ljósmynd Hafþór Hreiðarsson 2021.

Flutningaskipið Hathor kom til Húsavíkur um helgina og lagðist að Bökugarðinun þar skipað var upp trédrumbum fyrir PCC á Bakka.

Skipið var smíðað árið 2007 og siglir undir hollenskum fána með heimahöfn í Midwolda.

Þða er 89 metra langt, 13 metra breitt og mælist 2,545 GT að stærð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Garðar og Náttfari

260. Garðar (fjær) og 993. Náttfari. Ljósmynd Hafþór Hreiðarsson 2021.

Hvalaskoðunarbátarnir Garðar og Náttfari mætast hér í hafnarmynninu á Húsavík en myndn var tekin í dag.

Garðar hét upphaflega og lengst af Sveinbjörn Jakobsson SH 10 frá Ólafsvík. Smíðaður fyrir Útgerðarfélagið Dverg hf. í Esbjerg í Danmörku árið 1964.

Norðursigling ehf. á Húsavík keypti bátinn haustið 2006 og gerði upp til siglinga með ferðamenn. Hann hóf siglingar sumarið 2009.

Lengd hans er 28 metrar, breiddin 6,43 metrar og mælist hann 109 BT að stærð.

Náttfari var smíðaður í Skipavík í Stykkishólmi árið 1965 og hét upphaflega Þróttur SH 4. 

Þróttur, sem var fyrsti báturinn sem Skipavík smíðaði, hét ýmsum nöfnum í gegnum tíðina en Norðursigling keypti bátinn árið 1998. Þá hafði hann legið um árabil í reiðuleysi austur á fjörðum. 

Náttfari hóf síðan hvalaskoðunarsiglingar sumarið 1999. Náttfari er 60 brl. að stærð.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Einar Hálfdáns – Áki í Brekku

2790. Einar Hálfdáns ÍS 11 nú Áki í Brekku SU 760. Ljósmynd Hafþór Hreiðarsson 2021.

Einar Hálfdáns ÍS 11 sem nú heitir samkvæmt skipaskrá Áki í Brekku SU 760 landaði á Húsavík í morgun en báturinn er á handfærum.

Hann er í eigu Gullrúnar ehf. á Breiðdalsvík en fyrirtækið hafði bátaskipti við Vébjarnarnúp ehf. í Bolungarvík og heitir gamli Áki í Brekku SU 760 nú Einar Hálfdáns ÍS 11, samkvæmt skipaskrá.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Víkingar

7361. Aron ÞH 105 – 7465. Jökull ÞH 17. Ljósmynd Hafþór Hreiðarsson 2021.

Hér gefur að líta Aron og Jökull en báðir eru bátarnir af Víking-gerð frá Bátasmiðjunni Samtak í Hafnarfirði.

Myndin var tekin nú í morgunsárið á Húsavík en þar hefur Aron heimahöfn en Jökull á Kópaskeri.

Aron, sem hefur verið lengdur, hét upphaflega Lukka RE 86 en Jökull hét fyrst Guðmundur Einarsson ÍS 155.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Varðskipið Týr

1421. V/S Týr á Skjálfandaflóa. Ljósmynd Hafþór Hreiðarsson 2021.

Varðskipið Týr kom til Húsavíkur síðdegis í dag og lagðist við Bökugarðinn og það ekki í fyrsta skipti. Spurning hvort þetta hafi verið í síðasta skipti.

Týr var smíðaður í Danmörku og kom í fyrsta skipti til heimahafnar í Reykjavík sumarið 1975.

Hér má lesa ágrip af magnaðri sögu varðskipsins

Með því að smella á myndina er hægt að skoða hana í hærri upplausn.

By clicking on the images you can view them in higher resolution