Gísli Kristján ÁR 35

378. Gísli Kristján ÁR 35 ex Guðjón Árnason HU 12. Ljósmynd Hafþór Hreiðarsson.

Gísli Kristján Ár 35, sem hér sést koma til hafnar í Reykjavík, var smíðaður árið 1906 í Noregi.

Í Íslensk skip segir að báturinn hafi verið 7 brl. upphaflega, byggður úr eik og furu og 16 hestafla Dan vél. Eigandi Árni Bergsson Ólafsfirði og báturinn heitir Magni EA 363. 1929 er eigandi Áskell Þorkelsson í Hrísey og komin 20 hestafla Scandia aðalvél í hann.

Báturinn var umbyggður og lengdur á Siglufirði 1938 og mældist þá 16 brl. að stærð. Þá var enn skipt um vél og nú sett í hann 40 hestafla Scandia. Báturinn fékk um tíma nafnið Þór EA 363, sami eigandi en 1940 er hann seldur Jóni og Birni Arngrímssonum á Dalvík. Hann fékk nafnið Arngrímur Jónsson EA 363. 

1943 fór fram stórviðgerð á bátnum og hann lengdur í annað sinn. Hann mældist þá 18 brl. að stærð og fjórða vélin fékk að fara um borð í bátinn í þessari klössun. Nú var það 100 hestafla Alpha. Í byrjun júnímánaðar 1953 er báturinn seldur Júlíusi Halldórssyni, Eðvari Júlíussyni og Brynjari Júlíussyni á Akureyri. Báturinn hét Gunnar EA 363.

Rúmu ári síðar, eða í október 1954, kaupir Útgerðarfélag Hríseyjar hf. Gunnar EA. Báturinn fékk nafnið Dröfn EA 363. Dröfn er seld í ágúst 1960, Kaupendur eru Bergsveinn Br. Gíslason og Karl Sigurðsson í Kópavogi, báturinn heitir áfram Dröfn en verður KÓ 28. Þeir eiga hann til ársins 1964, í mars það ár selja þeir bátinn aftur norður í Eyjafjörð. 

Kaupendur eru Helgi Jakobsson og Snorri Snorrason og báturinn verður Dröfn EA 81. Þá var sett í hann ný vél, 134 hestafla Scania. Í ársbyrjun 1966 kaupa þeir Árni og Sigurjón Guðbjartssynir bátinn sem fær nafnið Guðjón Árnason HU 12.

Þeir eiga bátinn í 14 ár, 28 febrúar 1980 selja þeir Heimi B. Gíslasyni í Þorlákshöfn bátinn sem fær nafnið Gísli Kristján ÁR 35. Hann er síðan úreltur 1989 fyrir nýjan Gísla Kristján ÁR 35 sem keyptur var frá Svíþjóð.

Við þetta má bæta að samkvæmt upplýsingum sem ég hef var skipt um vél árið 1973 en það kemur ekki fram í Íslensk skip. Þá mun hafa verið sett í bátinn 235 hestafla Scania Vabis.

Með því að smella á myndina er hægt að skoða hana í hærri upplausn.

By clicking on the images you can wiew them in higher resolution

Ein athugasemd á “Gísli Kristján ÁR 35

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s