Vörður og Áskell komnir á flot

Vörður ÞH 44 og Áskell ÞH 48 sem Gjögur hf. er að láta smíða eru komnir á flot í Víetnam þar sem skrokkar skipanna eru smíðaðir.

Það sama má segja um Þinganes SF 25 sem Skinney-Þinganes hf. er að láta smíða á sama stað. Fjórða skipið er Steinunn SF 10.

Skip­in fjög­ur verða síðan flutt með flutningaskipi til Noregs en þau eru hluti af sjö skipa raðsmíðaverk­efni sem ís­lensk út­gerðarfyr­ir­tæki sömdu um við Vard, sem rek­ur m.a. skipa­smíðastöðvar í Nor­egi, Rúm­en­íu og Bras­il­íu, auk Víet­nams.

Auk Gjög­urs og Skinn­eyj­ar-Þinga­ness er verið að smíða tvö skip fyr­ir Berg-Hug­in, dótt­ur­fé­lag Síld­ar­vinnsl­unn­ar, og eitt fyr­ir Útgerðarfé­lag Ak­ur­eyr­inga. Síðar­nefndu skip­in þrjú verða að öllu leyti smíðuð í Nor­egi.

Meðfylgandi myndir eru fengnar af Fésbókarsíðu Gjögurs hf. og birtar með leyfi frá fyrirtækinu.

Með því að smella á myndirnar er hægt að skoða þær í hærri upplausn.

By clicking on the images you can wiew them in higher resolution