Gunnar Torfason útgerðarmaður á Ísafirði hefur keypt togarann Ísborgu II ÍS 260 af Arnari Kristjánssyni.
Það er bb.is sem greinir frá þessu í dag en Ísborg II ÍS 260 hét áður Klakkur SK 5, Klakkur SH 510 og Klakkur VE 103. Smíðaður1977 í Gdynia í Póllandi.
Gunnar sagði í samtali við Bæjarins besta að ástæðan væri sú að báturinn Guðbjörg Sigurðardóttir íS hefði verið seld úr landi til Máritaníu og Ísborgin hefði verið keypt í hennar stað. Guðbjörg Sigurðardóttir ÍS hefur verið gerð út á úthafsrækjuveiði frá 2016.
Verið er að búa skipið til rækjuveiða í úthafinu fyrir Norðurlandi og sagðist Gunnar gera ráð fyrir að veiðar hæfust í byrjun apríl. Skipstjóri á Ísborginni II verður Guðbjartur Jónsson.
Hér má lesa fréttina í heild sinni.
Með því að smella á myndina er hægt að skoða hana í hærri upplausn.
By clicking on the images you can wiew them in higher resolution
Skipamyndir Hafþórs Hreiðarssonar 