Blængur NK 125

1345. Blængur NK 125 ex Freri RE 73. Ljósmynd Hafþór Hreiðarsson 2020.

Ég tók svo margar myndir af Blæng NK 125 á dögunum þar sem hann sigldi til hafnar á Húsavík að það er ekki hægt annað en að birta þær annað slagið.

Annars er það að frétta af Blæng að hann átti að halda í Barentshafið í gær.

Af heimasíðu Síldarvinnslunnar:

Frystitogarinn Blængur NK mun halda til veiða í Barentshafi á morgun. Það mun taka skipið um þrjá og hálfan sólarhring að sigla þangað. Heimasíðan ræddi við Theodór Haraldsson skipstjóra og spurði hvort gert væri ráð fyrir löngum túr.

„Það er gert ráð fyrir 34 daga túr og það þýðir að við verðum komnir heim um 25. nóvember. Ráðgert er að veiða  um 600 tonn og við eigum eftir að sjá hvernig það gengur. Síðustu fréttir herma að ekki sé mikið fiskirí á þessum slóðum akkúrat núna en það getur breyst á skömmum tíma. Auðvitað vona allir að það gangi sem best að veiða og við náum aflanum á skemmri tíma en gert er ráð fyrir. Veður hefur mikil áhrif á veiðarnar en það er allra veðra von á þessum slóðum á þessum árstíma. Annars eru menn bara bjartsýnir og vonandi á þetta eftir að ganga vel,“ segir Theodór.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Örn VE 244

1751. Örn VE 244 ex Örn SH 248. Ljósmynd Tryggvi Sigurðsson.

Örn VE 244 var smíðað hjá Karlstadverken A/B, Karlstad í Svíþjóð árið 1984 og hét upphaflega Sette Mari.

Rækjunes/ Björgvin h/f. í Stykkishólmi keypti bátinn, sem var 113 brl. að stærð, til Íslands árið 1986 og gaf honum nafnið Örn SH 248.

Bergur h/f keypti Örn SH 248 til Vestmannaeyja árið 1989 þar sem hét hann áfram Örn en varð VE 244.

Örn var seldur til Stokkseyrar árið 1992 þar sem hann fékk nafnið Hásteinn ÁR 8 sem hann ber enn þann dag í dag.

Með því að smella á myndina er hægt að skoða hana í hærri upplausn.

By clicking on the images you can view them in higher resolution