Margrét HF 149

2428. Margrét HF 149 ex Anna Guðjóns ÍS 199 kemur að landi í Hafnarfirði. Ljósmynd Hafþór Hreiðarsson 2009.

Margrét HF 149 var smíðuð í Bátastöðinni Knörr á Akranesi árið 2000. Hún hét upphaflega Anna Guðjóns ÍS 199 og var í eigu Stekkjaness sf. í Bolungarvík.

Árið 2005 var báturinn seldur til Hafnarfjarðar þar sem hann fékk nafnið Margrét HF 149 en meðfylgjandi myndir voru teknar sumarið 2009.

Vorið 2012 fékk báturinn nafnið Þröstur BA 48 með heimahöfn á Bíldudal. Í nóvember 2015 fékk hann nafnið Arney HU 336 með heimahöfn á Blönduósi.

Mýrarfell er nafnið sem báturinn ber í dag en það fékk hann í marsmánuði 2017. Fyrst SU 136 með heimahöfn á Djúpavogi en frá vorinu 2018 ÍS 138 og heimahöfnin Bolungarvík.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Steinunn SF landaði á Djúpavogi

2966. Steinunn SF 10. Ljósmynd Þór Jónsson 2020.

Steinunn SF 10 frá Hornafirði landaði á Djúpavogi í gær. Hún stoppaði stutt við en Þór Jónsson náði samt þessum myndum af henni.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution