Sigurður Jakobsson ÞH 320

973. Sigurður Jakobsson ÞH 320 ex Sigla SI 50. Ljósmynd Hafþór Hreiðarsson 2001.

Sigurður Jakobsson ÞH 320 kemur hér að bryggju á Húsavík í septembermánuði árið 201 en hann var þá á úthafsrækju.

Sigurður Jakobsson hét upphaflega Dagfari ÞH 40 og var smíðaður árið 1965 í Boizenburg A-Þýskalandi fyrir bræðurnar Stefán og Þór Péturssyni á Húsavík. 

Árið 1967 fékk fyrirtæki þeirra bræðra, Útgerðarfélagið Barðinn hf., tvö ný skip sem einnig voru smíðuð í Boizenburg en voru ívið  stærri. Þau hétu Náttfari ÞH 60 og Dagfari ÞH 70, fékk þá eldri Dagfari nafnið Ljósfari ÞH 40. 

Ljósfari var 264 brl. að stærð búinn 660 hestafla Lister aðalvél. Hann var endurmældur árið 1969 og mældist þá 207 brl. að stærð

Í janúar 1977 fékk báturinn nafnið Kári Sölmundarson RE 102 en sama ár var það yfirbyggt. Í janúar 1978 var aftur óskað nafnabreytingar á bátnum og fékk hann sitt fyrra nafn, Ljósfari en nú RE 102. Eigandi sem fyrr Útgerðarfélagið Barðinn h/f nú í Kópavogi.

Árið 1979 var Ljósfari lengdur og mældist eftir það 273 brl. að stærð. 1980 var sett í bátinn 1150 hestafla Mirrlees Blackstone aðalvél.

Árið 1987 var Ljósfari seldur Brík h/f á Húsavík sem nefndi bátinn Galta ÞH 320. Báturinn fékk ári síðan nafnið Björg Jónsdóttir ÞH 321, þá kominn í eigu Langaness hf., og Björg Jónsdóttir II ÞH 320 árið 1992. Báturinn var gerður út af Langanesi hf. til ársins 1996.

Þá var hann seldur til Siglufjarðar þar sem hann fékk nafnið Sigla SI 50. Langanes keypti hann aftur til Húsavíkur í ársbyjun árið 2000 og nefndi Sigurð Jakobsson ÞH 320.

Vorið 2004 var báturinn seldur til Reykjavíkur þar sem hann fékk nafnið Straumnes RE 7. Í desember árið 2005 fékk báturinn nafnið Jón Steingrímsson RE 7.

Það var hans síðasta nafn en Jón Steingrímsson var seldur til Danmerkur sumarið 2008 þar sem hann fór í brotajárn.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s