Bergkvist SU 409

1261. Bergkvist SU 409. Ljósmynd Hafþór Hreiðarsson.

Bergkvist SU 409 var smíðaður fyrir Fáskrúðsfirðinga og gerður þaðan út undir þessu nafni alla tíð.

Bergkvist er svokallaður Bátalónsbátur, 11 brl. að stærð smíðaður árið 1972 í Bátalóni í Hafnarfirði. Báturinn, sem er í eigu Jóns Bergkvistssonar, ku vera enn til inni í skúr á Fáskrúðsfirði en hann var afskráður árið 2003.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Þórsberg ehf. gerir samning um kaup á Grábrók ehf. af Brimi hf.

2766. Steinunn HF 108 ex Benni SU 65. Ljósmynd Jón Steinar 2019.

Forsvarsmenn Þórsbergs ehf. á Tálknafirði, sem gerir út bátinn Indriða Kristins BA 751 (2947) í krókaaflamarskerfinu, sem er með um 1.250 þorskígildistonn af krókaaflamarksheimildum, hafa gert samning við Brim hf. um kaup á öllu hlutafé í útgerðarfélaginu Grábrók ehf.

Grábrók ehf. hefur gert út krókabátinn Steinunni HF 108 (2766), en honum fylgir um 850 tonna krókaflamark, að mestu í þorski.

Þetta kemur fram í fréttatilkynningu frá Brimi.

Þar segir einnig að Þórsberg ehf. greiði fyrir með hlutafé í félaginu og mun Brim eiga tæp 41% hlutafjár í Þórsbergi eftir viðskiptin. Með kaupunum er Þórsberg að setja styrkari stoðir undir starfsemi sína.  

Við þessi viðskipti myndast ekki söluhagnaður eða sölutap hjá Brimi hf. Samningurinn er gerður með fyrirvara um niðurstöðu áreiðanleikakönnunar og eftir atvikum annarra eftirlitsaðila.

Með því að smella á myndina er hægt að skoða hana í hærri upplausn.

By clicking on the images you can view them in higher resolution