Gunnar KG og norðurljósin

2076. Gunnar KG ÞH 34 ex Magnús ÞH 34. Ljósmynd Hafþór Hreiðarsson 2020.

Það er ekki oft sem maður myndar báta og norðurljós í sama skotinu enda bjóða aðstæður ekki oft upp á það.

Ég lét nú samt vaða í kvöld þegar norðuljósin sýndu sig og tók mynd af Gunnari KG frá Þórshöfn þar sem hann stendur á Norðurgarðinum á Húsavík.

Áður Magnús ÞH 34 en upphaflega Keilir AK 27.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Hraunsvík GK 75 – Myndasyrpa

1907. Hraunsvík GK 75 ex Konráð SH 60. Ljósmynd Jón Steinar 2020.

Hér birtist myndasyrpa af Hraunsvík sem Jón Steinar tók í Grindavík um hádegisbil í gær.

Strákarnir á Hraunsvíkinni þurftu að gera hlé á að draga skötuselsnetin vegna þess að glussaslanga gaf sig og skjótast í land og sækja nýja. Þeir héldu svo strax út aftur til að draga að viðgerð lokinni.Það var þungur sjór í gær og þegar að hann snéri sér í norðanátt og norðan andvarinn mætti sunnanbárunni, þá getur hann orðið úfinn á köflum á sundinu.

Hraunsvíkin var smíðuð í Svíþjóð 1984 og hét upphalega Húni II SF 18, síðar Gunnvör ÍS 53 og Konráð SH 60. Búið er að lengja hana, breikka, hækka þilfar, skipta um vél og brú síðan. Það er Víkurhraun ehf sem er eigandi og útgerðaraðili Hraunsvíkur.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Keilir á Hornafirði

2946. Keilir. Ljósmynd Sigurður Davíðsson 2020.

Sigurður Davíðsson tók þessa mynd í vikunni þegar olíuskipið Keilir kom til Hafnar í Hornafirði.

Keilir er í eigu Olíudreifingar og var míðaður hjá Akdeniz skipasmíðastöðinni í Tyrklandi. Hann kom til landsins í fyrra, nánar tiltekið í febrúarmánuði.

Keilir, sem leysti Laugarnes af hólmi í olíuflutningunum, siglir undir íslensku flaggi og er 496 brúttótonn að stærð.

Með því að smella á myndina er hægt að skoða hana í hærri upplausn.

By clicking on the images you can view them in higher resolution