Fram ÞH 171

1322. Fram ÞH 171. Ljósmynd Hafþór Hreiðarsson.

Vélbáturinn Fram ÞH 171 var smíðaður árið 1973 af Baldri Halldórssyni á Hlíðarenda við Akureyri.

Bátinn, sem var 7 brl. að stærð, smíðaði Baldur úr eik og furu fyrir feðgana Sigurð Jónsson og Ólaf Ármann Sigurðsson á Húsavík.

Árið 1992 fékk báturinn nafnið Haförn ÞH 26 en hann var síðan seldur suður í Garð árið 1996. Hann fékk þar einkennisstafina GK 142 og síðan MB 13 eftir að hann var seldur í Borgarnes ári síðar.

Haförn MB 13 brann og sökk við Hvalseyjar á Mýrum þann 10. júní 1997. Áhöfnin fór í björgunarbát og var þaðan bjargað í Unu HF 119.

1322. Fram ÞH 171. Ljósmynd Hafþór Hreiðarsson.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Kristján S SH 23

1214. Kristján S SH 23 ex Hugi BA 49. Ljósmynd Hafþór Hreiðarsson.

Kristján S SH 23 var smíðaður í Skipasmíðastöð Austfjarða hf. á Seyðisfirði árið 1972 og hét upphaflega Hafliði Guðmundsson GK 210.

Eigendur hans frá því 25. febrúar 1972 voru Karel Karelsson Hafnarfirði og Kristján Albertsson í Garði. Þann 12. apríl sökk báturinn skammt út af Grindavík. Þriggja manna áhöfn bjargaðist um borð í Hafnartind GK 80.

Báturinn náðist upp aftur og var endurbyggður. Hann var seldur í september 1972 Haraldi Hjálmarssyni í Grindavík sem nefndi bátinn Byr GK 27.

Báturinn átti eftir að heita Byr KE 33, Hugi RE 141 og Hugi BA 49 áður en hann fékk það nafn sem hann ber á myndinni og var hans síðasta.

Kristján L. Runólfsson keypti Huga BA 49 árið 1989 og nefndi Kristján S SH 23. Heimah0fn Grundarfjörður.

Kristján S SH 23 sökk 2,5 sjómílur vestur af Dritvík 16. október 2002. Mannbjörg varð, tveggja manna áhöfn bátsins komst í gúmmíbjörgunarbát og bjargað þaðan stuttu síðar um borð í Gísla SH frá Ólafsvík.

Með því að smella á myndina er hægt að skoða hana í hærri upplausn.

By clicking on the images you can view them in higher resolution