Sævík GK 757 kom að landi í Grindavík í dag

2714. Sævík GK 757 ex Óli Gísla GK 112. Ljósmynd Jón Steinar 2019.

Sævík GK 757 kom til hafnar í Grindavík eftir að hafa róið frá Skagaströnd að undanförnu.

Sævíkin landaði einum 5-6 tonnum en þetta var fyrsta löndun hennar í heimahöfn eftir breytingarnar sem framkvæmdar voru á bátnum í sumar.

2714. Sævík GK 757 ex Óli Gísla GK 112. Ljósmynd Jón Steinar 2019.

Breytingarnar á bátnum fóru fram í Skipasmíðastöð Njarðvíkur og fólust m.a í því að hann var lengdur um tvo metra og skipt um vél og gír. Þá var ýmis annar búnaður var endurnýjaður.

Þá fékk Sævíkin græna Vísislitinn í stað þess bláa sem áður var á bátnum sem smíðaður fyrir Sjávarmál ehf. í Sandgerði hjá Seiglu árið 2006 og hét upphaflega Óli Gísla GK 112.

Vísir hf. í Grindavík keypti Sjávarmál ehf. á árinu 2018.

2714. Sævík GK 757 ex Óli Gísla GK 112. Ljósmynd Jón Steinar 2019.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Gulltoppur GK 24 við bryggju á Siglufirði

2615. Gulltoppur GK 24 ex Ingibjörg SH 174. Ljósmynd Hafþór Hreiðarsson 2019.

Línubáturinn Gulltoppur GK 24, sem er í eigu Stakkavíkur ehf., er hér við bryggju á Siglufirði sl. föstudag.

Gulltoppur GK 24 hét upphaflega Steinunn ÍS 817 og var smíðaður hjá Mótun í Hafnarfirði árið 2004.

Hann var seldur til Siglufjarðar árið 2007 þar sem hann fékk nafnið Odur á Nesi SI 76. Árið 2010 var Oddur á Nesi seldur vestur á Rif þar sem hann fékk nafnið Ingibjörg SH 174.

Það var svo fyrr á þessu ári sem Stakkavík kaupir bátinn og nefnir Gulltopp. Hann er af gerðinni Gáski 1180 og mælist 11,13 brl./14,82 BT að stærð. Lengd hans er 11,78 metrar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution