Hér má sjá Vestra BA 63 frá Patreksfirði við bryggju í Hanarfirði á níunda áratug síðustu aldar.

Upphaflega hét báturinn Fróðaklettur GK og var smíðaður hjá Ankerlökker Verft A/S í Florö í Noregi 1964. Hann mældist 251 brl. og var smíðaður fyrir Jón Gíslason s/f í Hafnarfirði.

Útgerðarfélag Skagfirðinga h/f á Sauðárkróki keypti bátinn árið 1968 og fékk hann nafnið Drangey SK 1. 

Seldur Vestra h/f á Pareksfirði árið 1972 og þar fékk hann nafnið Vestri BA 63. Endurmældur það ár og varð við það 204 brl. að stærð.

Báturinn var yfirbyggður og skipt um brú 1986. Einnig endurmældu aftur og mælist þá 196 brl. að stærð.

Upphaflega var 660 hestafla Lister vél í bátnum en árið 1979 var sett Mirrleses Blackstone, einnig 660 hestöfl, í hann.

Hraðfrystihús Hellisands hf. keypti Vestra BA 63 og gaf honum nafnið Örvar SH 777 árið 1994. Fyrirtækið gerði hann út til ársins 2008 er nýr og stærri Örvar SH 777 leysti hann af hólmi.

Hann fékk nafnið Örvar II SH 177 um tíma en eftir það hét hann Kristbjörg og var ýmist HF 177, ÁR 177 eða ÍS 177. 

Árið 2013 fékk hann nafnið Tjaldanes GK 525 og var það síðasta nafnið sem báturinn bar áður en hann fór utan til niðurrifs. Það var árið 2017.

Með því að smella á myndina er hægt að skoða hana í hærri upplausn.

By clicking on the images you can view them in higher resolution