Joana Cunha á leið út Vigoflóann

Joana Cunha AN-213-C ex Maria Teixeira. Ljósmynd Hafþór Hreiðarsson 2019.

Hér siglir Joana Cunha AN-213-C fram hjá Chapela og út Vigoflóann fyrir stundu.

Báturinn var smíðaður árið 1997 í Astilleros Ria de Aviles SL, í Nieva á Norður-Spáni, nálægt Gijon.

Hann er 27,30 metrar að lengd og 7 metra breiður. Mælist 212 GT að stærð.

Heimahöfn hans er Ancora í Portúgal.

Með því að smella á myndina er hægt að skoða hana í hærri upplausn.

By clicking on the images you can view them in higher resolution

Þórir SF 77 myndaður úr lofti

2731. Þórir SF 77. Ljósmynd Jón Steinar 2019.

Þórir SF 77 kom til hafnar í Grindavík og Jón Steinar sendi drónann á loft og árangur að venju góður.

Þar með eru komnar drónamyndir af systurskipunum tveim frá Hornafirði eftir breytingar.

2731. Þórir SF 77. Ljósmynd Jón Steinar 2019.

Bátarnir eru báðir við humarveiðar þessa dagana.

2732. Þórir SF 77. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Spitsbergen og Silver Cloud í höfn á Húsavík

Spitsbergen við Þvergarðinn. Ljósmynd Gaukur Hjartarson 2019.

Farþegaskipin Spitsbergen og Silver Cloud voru í höfn á Húsavík um helgina og tók Gaukur Hjartarson þessar myndir af þeim.

Spitsbergen var smíðað árið 2009 hjá skipasmíðastöðinni Estaleiro Navais de Viana do Castelo í Viana do Castelo í Portúgal.

Skipið var allt endurnýjað árið 2016 en það tekur 335 farþega.

Spitzbergen er 100,54 metrar að lengd, 22,27 metrar á breidd, og mælist 7,344 GT að stærð. Heimahöfn þess er í Tromso Noregi. Eigandi þess er Hurtigruten.

Silver Cloud við Bökugarðinn. Ljósmynd Gaukur Hjartarson 2019.

Silver Cloud var smíðað árið 1994 og er 157 metrar að lengd, 22 metra breitt og mælist 16.800 GT að stærð.

Eigandi þess er  Silversea Cruises í Mónakó en það siglir undir flaggi Bahamas með heimahöfn i Nassau.

Skipið getur tekið 296 farþega en áhafnarmeðlimir eru 222.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Mys Cheltinga kom til löndunar

Mys Cheltinga X-0524. Ljósmynd Elvar Jósefsson 2019.

Elvar Jósefsson tók þessa mynd í gær af frystitogaranum Mys Sheltinga X-0524 sem hefur verið að veiðum á Reykjaneshrygg undanfarið.

Togarinn er einn fimmtán togara sem smíðaðir voru í Stralsund í Þýskalandi eftir sömu teikningu og togararnir sem smíðaðir voru hjá Sterkoder í Noregi. Þerney var einn þeirra norsksmíðuðu.

Togarinn er í eigu sjávarútvegsfyrirtækisins Fishing Company Sogra JSC og er heimahöfn hans  Kholmsk í Rússlandi.

Með því að smella á myndina er hægt að skoða hana í hærri upplausn.

By clicking on the images you can view them in higher resolution