Ný Cleopatra 32 til neta og makrílveiða til Hjaltlandseyja

Endeavour LK 11. Ljósmynd Trefjar 2019.

Bátasmiðjan Trefjar í Hafnarfirði afgreiddi núna á dögunum nýjan Cleopatra bát til Whalsay á Hjaltlandseyjum.

Að útgerðinni stendur Jimmy Hutchinson útgerðarmaður og synir hans tveir.

Nýi báturinn hefur hlotið nafnið Endeavour.  Báturinn er 9.6 brúttótonn.  Endeavour er af gerðinni Cleopatra 32 og er fyrsti báturinn sem Trefjar afgreiða af þessari gerð. 

Skrokkur bátsins var upphaflega hannaður fyrir vinnubáta sem notaðir eru við olíuleit sem Trefjar hafa selt um árabil með ágætis árangri.

Aðalvél bátsins er af gerðinni Doosan L086TIM tengd ZF 286IV gír.  Rafstöð 5.5kW frá Scam/Kubota. Siglingatæki koma frá Furuno. Báturinn er með uppsetta Maxsea skipstjórnartölvu.

Hann einnig útbúin með vökvadrifinni bógskrúfu sem tengd er sjálfstýringu bátsins.

Báturinn er útbúinn til Makrílveiða og netaveiða.  Makrílbúnaður kemur frá DNG og Trefjum.  Netabúnaður er frá Hydema. Öryggisbúnaður bátsins er frá Viking.

Rými er fyrir 12 stk. 380 lítra kör í lest.  Í vistarverum er, svefnpláss fyrir þrjá auk eldunaraðstöðu með eldavél, örbylgjuofn og ísskáp.

Að sögn útgerðarinnar mun báturinn verða gerður út frá Whalsay allt árið, báturinn hefur þegar hafið veiðar.

Með því að smella á myndina er hægt að skoða hana í hærri upplausn.

By clicking on the images you can view them in higher resolution.

Nýi Sisimiut kom til Hafnarfjarðar í morgun

Sisimiut GR 6-18. Ljósmynd Jón Steinar 2019.

Í morgun kom grænlenski frystitogarinn Sisimiut GR 6-18 til Hafnarfjarðar og Jón Steinar var þar mættur til að fanga hann á kortið.

Sisimiut er annar tveggja frystitogara sem Royal Greenland fær afhenta á þessu ári frá skipasmíðastöðinni í Astilleros de Murueta í Bilbao á Spáni. 

Sismiut kom til Hafnarfjarðar beint frá Bilbao og mun hann taka veiðarfæri, umbúðir og fleira áður en haldið verður til veiða. 

Sismiut GR 6-18. Ljósmynd Jón Steinar 2019.

Sisimiut er 82,05 metra langur og 17,3 metra breiður og verður gerður út til veiða á þorski og grálúðu. Heimahöfn hans er Nuuk.

Sismiut GR 6-18. Ljósmynd Jón Steinar 2019.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution