Bergey VE 544 kom inn til löndunar í Vestmannaeyjum í morgun og tók Hólmgeir Austfjörð þessa myndasyrpu sem nú birtist.
Bergey VE 544 er annað tveggja systurskipa Bergs-Hugins ehf. í Vestmannaeyjum sem smíðuð voru í Póllandi árið 2007. Hitt er Vestmannaey VE 444.
Bergey VE 544 og Vestmannaey VE 444 verða leystar af hólmi á þessu ári með nýjum skipum sem eru í smíðum fyrir Berg-Huginn ehf., dótturfélag Síldarvinnlunnar hf. í Neskaupstað.
Bergey VE 544 og Vestmannaey 444 eru 29 metra löng togskip og mælast 291 brl. /486 BT að stærð. Systurskip þeirra eru Dala-Rafn VE 508 og Vörður EA 748.
Það var fallegt veður í Vestmannaeyjum að morgni 23. janúar 2019 þegar Bergey VE 544 kom að landi. 46 ár síðan Vestmannaeyjagosið hófst.
Með því að smella á myndirnar er hægt að skoða þær í hærri upplausn.
Skipamyndir Hafþórs Hreiðarssonar 