Gefjun EA 510

2836. Gefjun EA 510 ex Blossi ÍS 225. Ljósmynd Hafþór Hreiðarsson 2021.

Gefjun EA 510 kom til Húsavíkur nú um kvöldmatarleytið en báturinn er við rannsóknir á vegum Hafró.

Það er Krossi-útgerðarfélag ehf. á Patreksfirði sem á bátinn en upphaflega hét hann Blossi ÍS 225 frá Flateyri.

Blossi var smíðaður fyrir Hlunnar ehf. á Flateyri árið 2014 og fór smíðin fram hjá Seiglu á Akureyri. Báturinn er 11,80 BT að stærð.

Blossi ÍS 225 var í höfn á Flateyri þegar snjóflóð féll úr Skollahvilft þann 14. janúar 2020. Flóðið náði fram í höfnina og sökkti Blossa ásamt fimm öðrum bátum.

Á vefnum aba.is segir að bátnum hafi verið náð upp þremur vikum seinna og var lengi vel óljóst hvort við hann yrði gert eða hann yrði dæmdur ónýtur. 

Hafþór Jónsson eigandi Krossa-útgerðarfélags keypti bátinn og gerði hann upp í vetur. Fékk hann þá nafnið Gefjun EA 510 og heimahöfnin Akureyri.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution

Frosti ÞH 229

2433. Frosti ÞH 229 ex Frosti VE 144. Ljósmynd Jón Steinar Sæmundsson 2021.

Frosti ÞH 229 kom til löndunar í Grindavík í gærkveldi og tók Jón Steinar þessar myndir þá.

Frosti var smíðaður í Kína árið 2000 og hét upphaflega Björn RE 79. Síðar Smáey VE 144, Frosti VE 144 í smátíma og loks Frosti ÞH 229.

Með því að smella á myndirnar er hægt að skoða þær í hærri upplausn.

By clicking on the images you can view them in higher resolution